احببت المتمردة من 7-12

بأنزعاج بس يا ولد انت بجي هي دي اصول الضيافه
مالكم ومالنا احنا جاين زياره لجرايب لينا هنا وماشين مش جاين في شړ
حمزه احنا اسفين يا عم الحاج بس احنا سألنهم وهم لوعونا في الكلام واحنا بنخاف علي حتتنا بردو
حسن اخو ياسر الصغير طب خافو بقي علي حتتكو يا اخويا كويس دا لو هتعرفو تحموها
كاد حمزه ان يرد عليه ويتشاجر معه الا ان عاصي امسكه
خلاص يا حمزه مالوش لازمه عشان خاطر الراجل الكبير ده مش هنرد اتفضل يا حج شوف انت طالع لمين
صعد سالم الي بيت توحه هو وولداه وترك باقي الرجال داخل السيارات 
بينما جلس عاصي وحمزه و بعض الشباب في القهوه ووزع الباقي علي ناصيتي الشارع يترقبو ما سوف يحدث
اما عند روقيه داخل الشقه جلس فضالي معهم يخبرهم علي الخطه وهتف
فضالي يا ستي ماتخفيش بناتك في بيتي دلوقتي ومحدش يستجري يخطي خطوه جوه بيتي
روقيه بجد يا عبد الرحمن يعني عاصي اخد غمزه كمان عشان يحميها ولا خد غزل بس وسبها
توحه يووووه ما قالك اخد الاتنين بطلي جبن بقي دق الباب وهتفت توحه
توحه افتحي يابت يالوزه
فتحت لوزه الباب وجدت امامها شبان يدل علي ملامحهم معالم الإجرام ومعهم رجل كبير في السن في العقد السادس من عمره سمين ووجهه محفور بالڠضب وهتف
سالم ستك فين يا بت
يتبع
الفصل الثامن
لوزه ستي مين هو حضرتك عايز مين
ياسر ايه البت المخبوله دي ستك روقيه ايه مش هو ده بيت الست توحه
لوزه هاه اه هو مين حضرتكو
سالم طب ادام هو يبجي توعي اكده من جدامي ثم زجها الي الداخل ودخلو ثلاثتهم وجدو فضالي في وجههم ومن خلفه تقف روقيه وهتفت
روقيه اهلا يا سالم في حد برضو يدخل بيوت الناس بالطريقه دي
سالم ايه يا مرت اخوي هو انا ضيف ولا غريب
توحه وهي تجلس داخل الغرفه تعالي يا سالم اتفضل
سالم طب مش تعرفينا مين اللي انتي واقفه وراه ده اهو ده بقي اللي غريب بالنسبه لينا
فضالي بالظبط ذي ماانت غريب بالنسبه ليا ومحبتش دخلتك دي علي بيت مافهوش الا حريم
حسين ابن سالم الصغير الحريم اللي انت بتتكلم عليهم دول يخصونا
فضالي يخصوكم اذاي يعني مش فاهم ال اعرفه انهم مالهمش اخوات رجاله وابوهم ماټ
سالم بعد ان جلس علي الاريكه انا عمهم ودول ولاد عمهم انت بجي تبجي مين
توحه ده يبقي الحج عبد رحمن فضالي كبير الحته
سالم وبيعمل ايه كبير الحته في بيت مافيش فيه غير حريم كيف ماعم بيجول
فضالي والله الحريم دول في حمايتي وهما اللي قصدوني اني احضر معاهم القعده دي
ياسر يقصدوك في ايه احنا جاين ناخد بناتنا ومش هاننزل من هنا من غيرهم فين البنات يا مرات عمي
روقيه يعني ايه الكلام ده اولا دول بناتي ومحدش يقدر ياخدهم مني
ثانيا دول مش قصر عشان تفكرو انكم هاتتحكمو فيهم
سالم جصر ولا لاع اسمهم بنات اخوي وهيفضلو تحت عيني لحد ماجوزهم ولادي وانتي عايزه تيجي معاهم اهلا وسهلا بيكي مش عايزه خليكي جاعده اهنه جنب امك
نادي عالبنات خلينا نعاود البلد يلا
فضالي البنات مش هنا ومش هايرجعو معاك بلدكو فياريت تاخد ولادك وتمشي من هنا انتو مش مرحب بيكو في البيت ده
ياسربصوت مرتفع جدا سمعه عاصي وحمزه يعني ايه البنات مش هنا دانا هاقلب البيت ده علي فيه انطقي يا وليه انتي مخبياهم فين
صعد عاصي وحمزه وسامح بعد تحدث مع خالد واخبره بحضورهم ودخل اليهم
فتحت له لوزه وهتف فيها ايه يا لوزه هو في حاجه عندكو ولا ايه نداه والده من الداخل
فضالي تعالي يا عاصي تعالي حمزه ادخلو
ياسر ده بيت ايه دا بقي اللي اي واحد معدي يدخل يقعد ويجيب شباب تقعد فيه ده
روقيه احترم نفسك يا جدع انت والبيت ده محترم ڠصب عن اي حد
حسين طب ومين بقي دول اللي قاعدين في البيت المحترم يبقو ليكو ايه دول عشان يدخلو كده
نظرت روقيه الي عاصي وحمزه وهتف دول دول يبقو اجواز بناتي نظر لها حمزه وعاصي وفضالي بأندهاش وهتف سامح صديقهم في ياسر
سمعت يا ابو الشباب الحجه قالت ايه ياريت بقي تاخد الحج والاخ تختخ اللي معاك ده وتتكلو علي الله من هنا
سالم كيف يعني جوزتي بنات اخويا من غير ماعرف اذي تعملي كده وانتي عارفه اني رايدهم لولادي
عاصي معلش بقي ياحج النصيب جه كده وخلاص بنات اخوك اتجوزو دور لولادك علي عرايس في حته تاني
ياسر هاه انتو فاكرين ان اللعبه دي هاتخيل علينا طب لما انتو اتجوزتوهم فين قسايم الجواز
عاصي ههه عند المأذون طبعا ولسهش استلمناهم
حسين بقولكم ايه الكلام دا كله مش داخل دماغي اخلصي يا وليه انتي وقولي البنات فين يا كده يا هناخدك انتي لحد ما يظهرو
حمزه اعلي ما في خيلكو اركبوه ومافيش واحده من البيت ده هاتتحرك من غير رضاها وانا اظن ان حماتي مش راضيه مش كده يا حماتي ولا ايه
روقيه ايوه يا حمزه كده
عاصي تمام اديكو سمعتو اهو يلا بسلامه بقي فرجونا جمال خطوتكو
بدأت اصواتهم ترتفع بدؤو التشابك معهم الي ان انزلوهم الي اسفل واشتبك شباب الشارع مع الرجال الذين كانو ينتظروهم في السيارات
الي ان صدحت سارينة سيارات الشرطه فركبو سيارتهم سريعاحتي يهربو فمعظمهم مجرمين ومطلوبين عند الشرطه ولكن قبل ان يذهبو هتف سالم
سالم لسه الكلام ليه بجيه وراجعين ليكم تاني
فضالي وهو يقف بين اولاده ومن خلفهم الشباب وماله ابقو تعالو في اي وقت هاتلاقونا مستنينكو
ذهبو بسيارتهم وصاح الشباب بالضحك والهتاف باسم عاصي وحمزه وفتح عاصي الوكاله بدؤ الشباب في تشغيل الاغاني الشعبيه والرقص عليها
اما عند غمزه وغزل داخل شقة الشباب انبهرو حين وجدو طاولة رسم هندسي مثبت عليها أوراق مرسوم عليه روسمات لعمارات وبيوت مثل الفلل ويوجد علي مكتب اخر بعض الملفات الحسابيه هتفت غمزه
غمزه بتاعت مين الحاجات دي يازين
زين المكتب ده بتاع حمسه هو بيستغل عليه بالليل وبابي بيلسم العمالات الكبيله دي هنا
غزل نعم انت عايز تفهمني ان عاصي مهندس وحمزه ده محاسب
زين ايوه انتو مس كنتو تعلفو ولا ايه
بابي مهندس بيبني عمالات وحمسه بيجيب هو الفلوس بقي 
غمزه بعد ان فوجئت بما تفوه به ذلك الطفل
والله يا زين انا كل شويه بتفاجيء بحاجه جديده في بابك ده
زين ايه ده الخڼاقه خلصت سامعين هما بيهيصو تحت تعالو نفتح البلكونه بقي ونبص عليهم
غمزه لاء احسن يكونو لسه الناس الوحشه دول تحت
زين تحت ايه انتي مس سامعه يامامي الاغاني ولا ايه افتحي ياغسل دا حمسه وبابي تلاقيهم بيلقصو تحت
فتحو باب الشرفه بهدوء وخرجو اليها لما رأو والدتهم واقفه مبتسمه وفرحه جدا هي وجدتهم وشاورت لهم خرجو ينظرو الي اسفل وجدو حمزه يرقص وسط الشباب
ووالده يقف يصفق له اماعاصي فكان يقف مبتسم واضع يده في جيب بنطاله وبجانبه الظابط خالد وسامح صديقه يضحكون
هتف زين من اعلي
زين بلافووووووو يابابي ساطل مس خليت الناس الوحسه تاخد مامي مننا
رفع عاصي رأسه للاعلي ولأول مره يبتسم لهم وشاور
لهم بيده بمعنبي لا
خالد الف مبروك