رواية صديقة الحروف كاملة بقلم أماني عنان

ازاي هتبدلي فيهم لابنك 
_هيحصل وحياتك ي زين لتوافق بنت اخوك بتحبه اصلا ..
_متاكدة من كلامك دا 
_عيب عليك مابقاش أنا لو ماخطبتهم لبعض الخميس الجاي 
_دا كيد ف ثراء ولا خوف ع ابنك بس انا ماعتقدش انك بتفكري ف مصلحة نائل اصلا ..
_يوووه هنعيده تاني يالا انزل ع الحزب وشوف طلبيتك الجديده اللي ضيعت بيها احمد البكري ولا فاكر اني نايمه ع وداني ..
قعد ع اول كرسي من صډمته فك الكرافت عشان يعرف يتنفس عيونه زايغة ومش عارف يفكر ازاي عارفه البلاوي دي وساكته اكيد بتعمل اكتر منها ..
_وايه اللي سكتك وخلاكي ترمي بنته برا أما هو يهمك اووي كدا ..
_هو هههههه مايهمنيش ف حاجة لكن حرمه المصون تهمني .. 
_بتصفي حسابك معاها ليه مش فاهم 
_ومش لازم تفهم انا مابحبهاش شايفه نفسها مثالية اوفر ..
فكر وقال غيرة نسا واعوذ بالله منها ممكن تعمل اي شئ عشان تكسر اللي قدامها ..
_ الموضوع ف ايدك اعملي اللي تعمليه ..
_اهلا وسهلا آنسة ميرنا
_نائل ف مكتبة 
_للاسف خرج من نص ساعة ..
تمام ..
نزلت ركبت عربيتها ومش عارفه تدور عليه فين لما زهقت من التفكير قررت تروح عند ثراء صديقتها الشكلية غطاء بيغطي ع حبها لنائل وجسر سهل تخليها تفضل جانبه ..
_ نائل بتعمل ايه هنا 
_ ا ا ا انا .. كنت جاي أعزي ثراء ..
هو طبعا كان واقف ومش ناوي ينزل لانه مايقدرش يقابلها كل أمله يشوفها ويطمن عليها ..
_لا 
قالتها برفض وخوف ليرجع لها تاني وترجع تتعذب من جديد .. كان

الليل صعب كل ماتفتكر أن حبيبها ف حضڼ ست غيرها بتنام وترش برفانه تعبي اوضتها هوس اسمه الحب من طرف واحد اللي كتير بيتحول للحب المستحيل ..
_ ليه هي فيها حاجة مالها ثراء 
_هي كويسه وزي الفل بس مش عايزا تشوفك ولا تسمع سيرتك بعد الطلاق دا غير أنها هتسافر اسكندرية مخصوص عشان تبعد عن المكان اللي انت فيه ..
كڈب ف كڈب المهم تبعده عن الفيلا بتخبي عمايل أبوه وظلمه عشان يفضل متغمي وتابع لعمها مادام المصالح واحده .. هز رأسه متفهم مشاعرها ومشي ..
_ميرنا حبيبتي جيتي ف وقتك 
_ايه خلاص هتمشي 
_هتوحشيني اوووووووووووي وكل حاجة عشتها ف القاهرة هتوحشني اصلا انا اتولدت هنا وعشت اجمل حب هنا ..
_وانتي كمان هتوحشيني بس انا مش هسيبك اكيد هجيلك اسكندرية مخصوص ..
_ ورد ام ثراء .. يالا ي ثراء حطي الشنط ف العربية 
بصت ميرنا بخبث ع الشارع تتأكد نائل مشي ولا لا سالتها ثراء بصوت منخفض
_نائل عامل ايه مابيسالش عليا اتعود ع غيابي خلاص ..
_ ايوا اقصد انشغل ف الشغل واستسلم لقدركم ..
_خدي بالك من نفسك ومنه 
_منه وانا مالي بيه ..
_ ي بنتي استني اكمل كلامي مالك النهاردة اقصد خدي بالك من نفسك ومن ابن عمك عادي 
_اه ابن عمي فعلا .. حاضر ف عيوني 
_حبيبي قلب ماما مش هنفرح بيك بقي 
_مش وقته الكلام دا ي ماما لو سمحتي أنا تعبان ومش قادر ..
_لا وقته ولازم تسمعني لاني عزمت الناس ع خطوبتك انت وميرنا الخميس الجاي وابوك كلم كل معارفه والوزير هيجي ماينفعش تسود وشنا 
_ايه ايه أخطب مين والخميس الجاي طب ابقي احضري انتي بقي مش انتي اللي حددتي 
_ ولد .. نائل اوقف هنا كلمني 
_ادي المفاتيح ايه حتي الراحة مش عايزاها سلام 
صاحبة مفيدة من النوم كسلانه وبتفرد ف دراعها ووتنيها 
_صباح الخير ي ماما 
_صباح ايه انتي كمان احنا بالليل 
_امممم ي خبر شكلي كنت تعبانه اووي ماحسيتش بالوقت ..
_طيب روحي كملي نوم بصي خليكي نايمه كدا ع طول أريح 
_عندك ع فين ي هانم من غيري ..
_ أكمل .. ايه المفاجئة دي 
_ماكنش ينفع ماجيش عامله ايه ي حب الطفولة وذكريات العيال .
_ثراء بابتسامة اديك قولت ذكريات عيال ..
_انا اسف ماقدرتش اجي ف العزا كنت مسافر والله ولسه واصل مصر امبارح ولأجل حظي قابلت بنت كانت مخطۏفة وكان لازم ادخل وانقذها 
_لا شهم من يومك وانت خدوم وطيب ي دكتور ..
_ورد اهلا ي اكمل ايه اللي جابك من اسكندرية احنا كنا جايين كان ممكن تعزينا هناك ..
ثراء بتغمز لأمها عشان تسكت وماتقولش كل حاجة وخصوصا موضوع طلاقها عشان اكمل لسه بيحبها وممكن يتعشم ويتجرح تاني ..
_بعد طلاق ثراء قررنا نقعد عند خالها اهو نفضل مع
بعض وسط اهلنا ..
_ لا بقي احنا مش نازلين عشان نبقي مع خالي احنا لسه هندور ع شقة نسكن فيها ..
طب ليه تسافروا اصلا انا عندي شقة هنا متشطبة وجاهزة للسكن من الليلة لو تحبوا ..
_طب وانت ي ابني 
_انا عندي شقة تبع الشغل تعالوا بس وماتشغلوش بالكم بأي حاجة اعتبريني ابنك ..
وقفت داليا بالشنط علي باب الفيلا و فجأة صړخت ..
الحلقة 7و 8
_ابيه اكمل .. ايه المفاجئة الجميلة دي
_اهلا بالشقية .. كبرتي ي داليا دلوقتي هسلم بالايد بس
_وبالعين كمان وحشتني اوووي ي ابيه ..
_وانتوا كمان وحشتوني فاكره زمان لما كنت بلعب معاكي وتقعدي عندنا طول الإجازة 
_طبعا فاكرة وجودك ف اسكندرية كان هو الترفية بالنسبة لي خصوصا أن بابا ماكنش بيجي معانا وثراء مشغولة بتصميماتها للشقق والحدائق ..
_صحيح اخبار شغل الديكور معاكي ايه ي ثراء 
بيسالها بعد ماركبوا العربية ورايحين ع شقته في مصر الجديدة ..
_سيبت الشغل من ساعة ماتجوزت ..
_دا ينفع جواز ايه اللي ينسيكي نفسك بالشكل دا انتي نسيتي شغفك وطموحك بالسرعة دي ..
_ابتسمت بإرهاق ووش دبلان وقالت 
_في علاقات بتخليك تتقدم وعلاقات تانية بترجعك لورا سنين كنت فاكره اني بدات حياتي السعيدة مع نائل لحد ما ربنا اختبرنا في منع الحمل واتفاجئت بعدم حبه ليا واني زي غيري بالنسبة ليه ..
_الام .. غيروا الموضوع دا دلوقتي ان شاء الله ثراء حبيبتي هترجع احسن من الاول وهتفتح ومكتبها اللي طول عمرها بتحلم بيه 
_ازاي بس ي ماما الموضوع صعب ..
_غمزة لها وطبطبت ع رجلها وقالت بكره تشوفي أن كلام امك كان صح ..حدسي بيقولي كدا ..
_وانا مصدقك ومؤمن بتوقعك ي طنط ..
_ هي منه ماجتش النهاردة 
_لا ي مفيدة هانم بقالها يومين مابتجيش النادي 
فكرت مع نفسها شويه دا معناه انها منقطعة من يوم الحدثة 
_في كاميرات هنا ع الترابيزة اللي ع الشمال دي 
_اممممم ف الغالب لا 
لحظة دي ف وش الكافتيريا اعتقد في كاميرا مغطية جزء من الترابيزة ..
_حلو اووووي عايزا اراجع تسجيل يوم الاتنين اللي فات 
_ ماقدرش اساعدك والله لكن بما أن النهاردة الخميس فالرقابة قليلة المصريين بيعتبروه نص يوم تابع ليوم الجمعة 
_طب شكرا ي حسين حط المية واتفضل
_اجيبلك عصير 
_عصير تاااااااني لا لما افهم ايه اللي كان ف الاولاني ..
_انا مش فاهم حاجة خااالص ..
مش مهم .. امشي قدامي ع غرفة التسجيل 
تحت امرك ..
_الله ايه الزينة دي والانوار ي كابتن نائل
_وحياة والدك انا مش ناقص تريقة مضطر امشي الليلة عشان شكل العيلة مش اكتر بابا عازم الوزير ومورطني معاه اعمل ايه 
_وزير اه لا طلعت عاقل وانا ماعرفش ي صاحبي
_ممكن تسيبني لوحدي .
_وهو كذلك هستناك تحت
_الزفته فين 
_مين