رواية سليم من 36لاخير

بارت ٣
بسم الله نبدأ .
عند فتون..
فتون بعد ما سليم مشي كان قلبها مشغول عليه.
ودخلت شطبت المطبخ .. وخارجه شافت الشنط الل سليم جايبها . واتنهدت بحيره . واخدت الشنط المطبخ .
.وكان جايب حجات كتير جدا .. وكمان جايب شوكلت كتير ليها .. وابتسمت بحب كبير . وحطت كل حاجه مكانها . ودخلت الحمام اخدت شاور . واتوضت وخرجت دخلت اتطمنت ع فاطمه .. وراحت اوضتها .
.لبست إسدال الصلاه . وصلت قيام الليل . وف كل سجده تدعي من كل قلبها .. وشكرت ربنا كتير جدا وبتعيط بفرحه عشان نظره رجعله من تانى .. واستودعت سليم عند الله . وبعد الصلاه .. قامت وجابت المصحف . وكالعاده عايزه تشوف الاشاره .. وغمضت عينيها .. وقلبت الصفحات . وعينيها جت ع أية
قال تعالى بسم الله الرحمن الرحيم
ومن يتق الله يجعل له مخرجا ويرزقه من حيث لا يحتسب ..
وابتسمت بسعاده كبيره . وقالت الحمدلله ..
وقررت تانى مره وعينيها جت ع أية ..
بسم الله الرحمن الرحيم
إني جزيتهم اليوم بما صبروا أنهم هم الفائزون..
واتنهدت بسعاده . وعيونها لمعت بدموع من فرحتها بالاشارة.
وتالت مره . فتحت عينيها وجت ع اية .
بسم الله الرحمن الرحيم ..
إنما يوفى الصابرون أجرهم بغير حساب
فتون ضحكت بدموع .. وضمت المصحف بسعاده كبيره جدا . وقالت الف حمد وشكر ليك يارب . انك عوضت صبرى خير .. وكملت قرأة الورد من بعد آخر ايه .
وبعد شويه . خلصت قراءه . وبصت ف الساعه وكانت عدت 11 . وقلقت ع سليم انه لسه متصلش عليها ..
وجابت الفون من ع الكمود . ولمحت المفكره بتاعتها .. وقالت بعدم فهم . ايه الل جاب المفكره هنا
وكشرت عينيها . امم اكيد سليم . وابتسمت بحب . ومسكت المفكره وفتحتها مكان القلم ف وسط الصفحات .. واتفاجئت .. ايه ده سليم كاتب هنا . وقرأت
لم نطلب من الحياة سوى أن نحيا بسلام أن ترافقنا طمأنينة القلب وسکينة الروح أينما حللنا أن تغادر أسراب القلق والحيرة سمائنا أن نجد يدا تربت ع قلوبنا تنتشلنا من عمق الحزن والضياع يدا تكن بجوارنا قلبا وقالبا أن تمر الأيام بهدوء تام وراحة بال دون فقد أو قلق دون خوف أو تعب دون شك أو ريبة لم نعد نتمنى سوى أن نعش بطمأنينة وحسب. ولم أعد أتمنى سواكي يا فاتنة قلبي .
فتون قلبها بيدق بفرحه من فرط الحب والاحساس الل جواها . وباست المفكره . وقالت تعرفى انا فرحانه اوي إن سليم رجع يشوف من تانى .. وانتى كمان فرحانه مش كدا ههههه . بس بردو انا هفضل عكازه .. انا بحبه اوى اوى .. وحطت المفكره . واتصلت ع سليم ...
سليم وصل البيت واخد شاور . وغير هدومه . وقعد ع السرير . وقال اتصل ع تونه اطمنها . وبعدها اكلم فريده افرحها ببراءة فتون ... ومسك الفون ..ورن ف ايدو وابتسم بحب كبير . اخيرا شوفت اتصالك عليا . وكنسل عليها . واتصل . الو . وحشتك صح
فتون بحرج احم . ا انا اتصلت اطمن عليك . وصلت ولا لسه
سليم ايوه يدوبك اخدت شاور .. وكنت حالا هتصل عليكى ..
فتون رجعت راسها لورا . حمدالله ع سلامتك.
سليم رجع راسه لورا . الله يسلمك ياقلبى . عامله ايه دلوقتى
فتون الحمدلله تمام . احم شكرا ..
سليم عفوا . بس ع ايه
فتون ع الورد . والشوكليت . والحجات الل جبتها كتير جدا. بس مكانش ليه داعى تتعب نفسك ..
سليم بحب . من انهردا ممنوع تشترى اى حاجه .. كل حاجه هتجيلك لحد عندك . وده واجبى . ياريت بقى بلاش شكرا والفرق ده .. انا جوزك . وانتى مسؤوله منى فاهمه ياتونا ..
فتون اتنهدت بسعاده . ربنا يخليك لينا ياسليم ..
سليم غمض عينيه بحب كبير .. انا بحبك اوى يافتون . عارفه لما كنت اعمى . كنت بحبك اوى . صوتك مميز بالنسالى .
. وقلبى ف قربك كان بيدق بسرعه وتوتر . ورسمت ليكى صوره ف مخيلتى ..
.بس لما رجعت للنور من تانى . كان نفسي تكونى أول حد اشوفه .. بس كنتى تانى واحده .. واول ما شوفتك قلبى دق وقال اهي .. هي دى فتون حبيبتك . هي اجمل من الصوره بكتير .. وساعتها حبى ليكى اتحول لعشق . اضعاف مضاعفه بجد انتى اجمل حاجه حصلتلى ف حياتى..
فتون بتسمعه ووشها احمر جدا . وقلبها بيدق .. واتنهدت بحب كبير .
. لكن كشرت عينيها بعدم فهم .. وقالت تانى حد تشوفه بس ازاى انت رجعت الشركه وشوفت ناس كتير جدا .. يبقى ازاى انا تانى واحده
سليم انتى فاكره انى بعد العمليه كنت هصبر انى ماشوفش البنت الل قلبى دق ليها وانا ف العتمه
. انا تانى يوم العمليه . فكيت الشاش . واول ما شوفت النور .. شوفت خالد . وقولتله انا لازم اشوف فتون .
. ونزلنا سرقه كدا من المستشفى .. وجرينا بالعربيه ع المدرسه . وشوفتك وانتى خارجه . وصدقينى عرفتك من غير ما خالد يقولى .
. انا يوميا كنت بجيلك المدرسه .. وامشي وراكي لحد اول الحاره .. وكنت ھموت واكلمك . بس كنت عارف رد فعلك هيكون ايه .
. بس اول ما رجعت الشركه شريف طلب مراقبه عليا وعليكي .. وده ال منعنى من انى اشوف اجمل بنت ف العالم كله ..
فتون قلبها هيطلع من مكانه . وحاسه إن الهوا خلص من حواليها . وفرحانه جدا . وقالت جواها بفرحه ..مش معقول سليم سليم كان بيجيلى عند المدرسه .. انا فرحاااانه اووووى .
سليم فتون روحتى فين
فتون انتبهت . واخدت نفس عميق . وقالت بتوتر . ا انا معاك .. احم . المهم حمدالله ع سلامتك . ا انا لازم اقفل وانام . انت عارف انى بصحى بدرى علشان المدرسه ..
سليم تفهم كسوفها . وقال ماشي ياحبيبتى . طاهر هيكون عندك بالعربيه . الساعه ٧ الصبح .
فتون بتوتر مالوش لزوم .انا هاخد تاكسي ..
سليم ع فكره انا مبحبش اعيد كلامى كتير . واعملى حسابك انك هتتعلمى السواقه قريب . وخلاص فرحنا فاضل عليه شهرين ونص ..
فتون تنحت وفتحت عينيها بدهشه . اييه فرحنا . احم . ا اه . طيب ربنا يسهل .
سليم ههههه . لأ انتى لازم تستوعبى بسرعه انتى كنتى ناسيه ولا ايه
.وبعدين انتى وراكي حجات كتير جدا . يعنى لسه هنختار قاعة الأفراح .. وكمان انا هختار تصميم اجمل فستان .. وهيتفصل مش هشتريه لانك مميزه ف كل حاجه . وكمان ف سفر شهرين عسل .. وحجات تانيه كتير..
فتون بتترعش . ووشها احمر . وقالت بتلعثم . ا ان شاء الله . بس احم .
هوا ..مش كان شهر عسل واحد . وبعدين مالوش لازمه نسافر . احم احنا هنا كويسين ..
سليم ههههه تعرفى انا بحبك وانتى متلخبطه كدا.
وبعدين هو كل حاجه ملهاش لزوم .. سيبيلى نفسك انتى خالص . وانا هخليكى تعيشي ف دنيا تانيه ..
. دولة عشق سليم بدر الدين .. صدقينى انا لو ينفع اشترى السعاده الل ف العالم كله واقدمها ليكى كنت هعملها .. بس مفيش حاجه اسمها مستحيل . واوعدك انك هتعيشي الل جاى كله سعاده ..
فتون غمضت عينيها بحب كبير . وقالت سليم ..
سليم عيون سليم ياتونه..
فتون قالت بحب. بحبك ..
سليم ضحك بسعاده . ياااه اخيرا . ده انا الل بمۏت فيكى .
فتون خلاص قلبها هيقف من الاحراج .. احم . تصبح ع خير ..
سليم غمض عينيه واتنهد بحب . وانتى بخير ياروحي ..
فتون قفلت بسرعه .. وحطت الفون جمبها برعشه . واخدت شهيق وزفير . وحاولت تهدا . وبعدها ضحكت بفرحه كبيره وحضنت المخده . وقالت بحبك اوى اوى اوى ياسيمو .. ههههه بمۏت فيك .. ونامت ووشها بيضحك ومبسوطه اخيراااا .. واتمنت انها تحلم بملاكها الحارس...
سليم قفل وحط الفون تحت دقنه وبيضحك بسعاده .. وبيسترجع صوتها وهو متلخبط . وكان مبسوط جدا وسرح بتفكيرو وهي ف حضنه وبتعيط علشانه واتنهد بحب كبير . وفاق ع صوت الفون . وبص بعدم فهم وقال .... نجوى !!!
ف البلد ..
شريف بعيون حمرا زى الډم .. دخل تايه ومش سامع صوت حد .. وفتح الباب ع فريده
فريده اتخضت وشهقت بصوت عالى . وجسمها كله بيترجف من الخۏف . وحطت أيدها ع قلبها . وبتتشاهد .. ومړعوبه من شريف . وخصوصا شكله المريب ..
شريف قرب منها ونزل ع ركبه وقال پضياع . وتلعثم . ا انا .. ا انا ..
فريده رجعت لورا بسرعه .. وخاېفه ..
نجوى دخلت وشافت شكل شريف . وخاڤت وطلعت ع اوضتها تجرى تتصل ع سليم ..
شريف شاف خۏفها . وقلبه وجعه بندم كبير . وقال هشش اهدى مټخافيش . ا انا . عايزك تهدى وتسمعينى .. بصي انتى عرفتى كل حاجه عنى . بس انا والله مكنتش اقصد . .ا انا وغمض عينيه بۏجع كبير . وقال أنا هسالك سؤال وانتى جاوبي. بإشاره . آه او لأ.
فريده اول مره تشوف شريف ف حالة ضياع . وعيونه حمرا جدا . وبيبكي . لكن خاېفه منه . وبتدعى ربنا . وهزت راسها ليه حاضر ..
شريف رفع ايدو يحطها ع أيدها .
فريده شدت ايدها بسرعه بړعب . ورجفه ..
شريف بكى بحرقه وقال بيعاط وصوت يوجع .. امي ماټت قبل ما انتى تتجوزى بابا
فريده استغربت سؤاله . لكن هزت راسها ايوه ..
شريف شاف اشارتها . وصك ع اسنانه بندم كبير .. وقال يعنى انتى مكنتيش شغاله عند ابويا ف الفيلا قبل ما يتجوزك
فريده فتحت عينيها بدهشه وشاورت لأ لأ.
شريف شافها وحط وشه بين ايديه پصدمه كبيره .
فريده بصت ع الباب وشافت نجوى واقفه وجوزها بيطمنو عليها ..وشافت شريف ف حالة اڼهيار .. وشكت إن ف حاجه غلط ..
شريف مسح وشه بايديه بإحباط .. وبص ليها .. وقال تعرفى إن خا....خالى صلاح . طلع مبحبنيش وا...وكمان كان بيضحك عليا كل السنين دي
فريده بفطرة الامومه . حست ان شريف ضايع . ومحتاجلها .. ورفعت أيدها پخوف وحطتها ع راسه ..
شريف لأ .. وبعد نفسه عنها وقال لأ . انا مستاهلش إنك تطبطبى عليا تانى
. تعرفى إني انهردا عرفت كل حاجه . ايوه . صلاح طلع اكبر كدبه كبيره ف حياتى .. وكمل پضياع اقولك ليه
واتكلم بدموع حسره كبيره . وقال صلاح قالى انك انتى السبب ف مۏت امي نجوان ..
فريده شهقت بصوت عالى وحطت أيدها ع بوقها وهزت راسها بلاء مستحيل .. وعيونها لمعت بدموع وصدمه ..
شريف وتعرفى كمان إنه قالى انك كنتى شغاله خدامه عندنا وضحكتى ع ابويا واتجوزك .. عشان كدا امي لما عرفت ماټت بحسرتها .. فهمنى انك انتى سبب مۏتها عشان تاخدى كل حاجه ..
فريده عيطت بۏجع كبير ع الاټهامات الباطله .
نجوى حطت الفون ع الكرسي بشويش .. وشهقت بصوت مهموس وحطت أيدها ع بوقها من كلام شريف.
وسليم متابع وسامع كل حاجه ع الفون ..
شريف بتنهيدة ۏجع وقلب ضايع . قال أنا هقولك ع كل حاجه .. وانا عارف انك مش هتسامحينى . وحكالها ع كل حاجه بين عياط وصدمه . وضياع وندم ومشاعر كتيره متلخبطه .. وكل ده قاله وهو قاعد ع ركبه قدام فريده . وطبعا كل ده خد وقت كبير
فريده بتسمعه ومصدومه ومش مصدقه إن كل ده يحصل .
. وسبب تغيير شريف هو خاله .. يعنى خاله سيطر عليه ب أفكاره الشريره .
. وعيطت بۏجع عشان خاطر جوزها بدر .. وفهمت دلوقتي سبب انه آمن ليها مستقبلها . وعيطت بصوت عالى ع كل تعبها ف تربيتها الل راحت ع الفاضي .. وحبها لشريف الل بيكن ليها كل كره .
واټصدمت صدمة عمرها لما شريف قالها انه السبب ف الحاډثه .. وعيطت بحسره كبيره ع ابنها سليم الل عاش ف العتمه بسبب اخوه.
. وبعدها مزهوله من أنه حطلها مخدر عشان يمضيها . ومن تفكير صلاح وشره . وف نفس الوقت صعب عليها شريف .. وصوت عياطه وكلامه الل يوجع القلب . وطريقة ندمه وذله . تخلى الحجر ينطق . وقلبها مبقاش مستحمل .
شريف بيحكى وراسه ف الارض وندمان .. وقال أنا حكيتلك كل حاجه انا عشتها وعملتها .
.انا عارف انك اتصدمتى فيا اكتر من الاول .. انا نفسي مصډوم مني .
. مش عارف امتى اتحولت من بنى آدم لشيطان كأنى كنت مسحور بكلام صلاح .
انتى متعرفيش هو كان ايه بالنسبالي . انا عارف انى مستحقش انك تسامحينى .
. بس بتمنى تسامحينى .. عشان خاطر بابا ودي اخر مره هتشوفينى فيها .. وخلي سليم يسامحنى بس مستحيل .. انا دمرته ..
فريده بشهقات . وقالت كفايه . كفايه ياشريف . كفااايه ..
شريف بصلها بۏجع كبير .. واول مره يفرح لحاجه تخص فريده .فرح انها اتكلمت .. وابتسم برعشه ودموع .
. وقال اول مره يوحشني صوتك . اتكلمى اشتمينى زعقيلى . عايزه تضربينى اعمليها .. بس سامحينى .
. انا اول ما عرفت كل حاجه . مكنتش عارف اروح لمين . لقيت نفسي جاي لحد عندك .. وشريط السنين الل عدت مر قدامى .. شوفت حقيقة حبك ليا . شوفت خۏفك عليا . شوفت كل حاجه من غير تمثيل ولا خداع .وعيط بصوت عالى. انا بجد ندمان .. سامحينى يا امي .
فريده بټعيط .. انت ياشريف . انت تعمل كل ده ليه يبنى
. ده انا عشت عمرى كله ولا فرقت يوم بينك وبين سليم اخوك
.
. بدر كان بيتمنالك الرضى ترضى . سليم اخوك روحه فيك .
. ليه يبنى صدقت خالك ليييه شوفت منى ايه وحش
.طول عمرى