رواية مريم من 4-6

هو حصله ايه 
واحد من وراه لوسمحت حضرتك اخو الباشمهندس 
خالد لف وهز راسه بلاء وبعدها هز راسه تانى ايوه . ايوه انا اخوه. 
الممرضه قالت ل خالد ده الل جاب الحاله للمستشفى اتفضل ممكن تسأله 
خالد اتحرك بسرعه ايه الل حصل لسليم 
شريف داخل ..
الدكتور اخدهم الل اتنين بره الاوضه . وبدء يتكلم . انا الدكتور مدحت دكتور باطنه . وشوفت كل الل حصل. 
شريف ايه الل حصل اتكلم حاډثة ايه الل مبهدله اخويا كدا !! 
مدحت حضرتك انا داخل ع الطريق السريع وماشي بعربيتى ورا الاستاذ سليم . فجاءه شوفت عربية اخوك بتروح يمين وشمال . كان سايق بسرعه كبيره جدا . وبعدها شوفت شاحنه كبيره جدا جايه مقابل لينا . انا جيت ع جمب لكن اخوك فضل سايق اتجاه الشاحنه وانت عارف الطريق السريع بيبقى عامل ازاى وبعدها لقيت عربية اخوك بتلف دوران سريع . و سمعت ناس كتير بتصرخ من العربيات وبيقولو نط . نط من العربيه . وانا ركنت ع جمب وقلبى دق جامد لأن الشاحنه خلاص هتخبط فيه .. لكن اخو حضرتك نط فعلا من العربيه ف اخر لحظه . ووقع ع الأرض واتقلب اكتر من مره واكيد وشه اتجرح من الاسفلت . وراسه اتخبطت بقوه ف الرصيف . 
ف الوقت ده كانت الشاحنه اخدت العربيه ف وشها . والعربيه أطبقت .
طبعا الل انا بحكيه ده حصل ف أقل من دقيقه احداث ممېته . ودي كانت غلطة اخو حضرتك لانه فضل ماشي ف الاتجاه المعاكس والعربيه شكلها فقدت السيطره لان طريقة السواقه كانت تتدل أنه مش عارف يسوق و يسيطر عليها. وانا نزلت بسرعه . وعملت الاسعافات الاوليه للحاله لان كانت راسه پتنزف .. وبعدها لقينا دخان طالع من العربيه وسمعنا صوت انفجار والعربيه ولعت كلها .
والناس رفضت تروح معاه ع المستشفى الإسعاف جه واخد الحاله . وانا جيت ف عربيتى وراهم .. 
شريف بيسمع وعينيه مفتوحه ع الاخر . مش مصدق الل حصل . وضړب الحيطه اكتر من مره وصاكك ع اسنانه !!
خالد بيسمع . ومزهول . وبص ل مدحت بس ازاى ! ازاى بتقول مش عارف يسوق ده سليم محترف ف السواقه وياما دخل سباقات مع صحابه ومفيش مره خسر فيها !! يبقى اززااى سليم يحصل معاه كدا 
دمدحت والله يا باشمهندس ساعة القدر مافيش حاجه اسمها سباق أو احتراف . ده قدر ..
شريف صك ع اسنانه . وبص ل خالد والدكتور . هو قدر فعلا . بس مش غريبه إن سليم مايعرفش يوقف العربيه . لالا اكيد ف حاجه غلط . واكيد دى مش حاډثه عاديه ابداا.
خالد كشړ عينيه . قصدك تقول إن ف حد قاصد ېقتل سليم 
شريف بحيره . مش عارف . مش عارف بس عندك تفسير غير كدا !!
خالد بدهشه . مش معقول .. وفتح عينيه على الاخر شريف هي طنط فريده فين وهي عرفت بالل حصل ل سليم 
شريف نزل راسه بزعل . وقال ايوه عرفت وللاسف اول ما شافت سليم بالشكل ده . مستحملتش . أغمي عليها . والدكتور ادالها ابره مهدئه ونايمه ف الاوضه دى !! انا لازم ابلغ البوليس ..
د مدحت ف ناس فعلا بلغت البوليس وجه والناس حكت الل حصل والل شافوه . وكمان ف ناس صورت الحاډثه . وإن سواق الشاحنه مش غلطان والشرطه هيحققو اكيد لكن بعد ما الحاله تفوق . 
خالد نفخ بديق ومسح وشه بايديه ..وواقف ساكت ..
شريف انا عايز اعرف اخويا حصله ايه وايه كمية الشاش الل عليه دي وزعق فين دكتور الحااااله . انا لازم انقل سليم لمستشفى خاصه حاااالا. 
خالد شاف ڠضب شريف . اهدى ياشريف انا هنزل اشوف مين الدكتور 
دمدحت . الدكتور اسمه امجد محمد . هو الل استلم الحاله من اولها ودخل بيها العمليات ..
خالد پصدمه عمليات !! وبلع ريقه پخوف .. وهز راسه واتحرك بسرعه يدور ع الدكتور ..
شريف واقف ومغمض عينيه . وقابض على أيديه ..
د مدحت شاف زعل شريف ع اخوه . وقرب منه وربت ع كتفه وحد الله . واحمد ربنا انه نط من العربيه ف اخر لحظه . لو كان متصرفش كدا كان حصل الاسوء الحمدلله انها جت ع قد كدا ..
شريف جسمه اتشد . وقبض على أيديه اكتر . وبيتنفس بصوت عالى .. 
د مدحت . الف سلامه عليه اتفضل دا جاكيت البدله والقميص بتاع الباشمهندس سليم . والمحفظه والفلوس ف جيب الجاكيت . شفاه الله وعفاه . استاذن انا . سلام عليكم . ومشي.
شريف فتح عينيه وبص ع هدوم اخوه بين ايديه . وفتح باب الأوضه . ودخل عند سليم . وقعد جمبه ع الكرسي . سليم سامعنى ياسليم انا اخوك شريف. انا شريف ياسليم رد عليا . قولى فيك ايه حاسس بايه ..
خالد دخل وسمع كلام شريف . واتنهد بزعل . وقال. شريف الدكتور امجد جاى تعالى . 
شريف بص ل خالد وعيونه لمعت بدموع . ومسح دموعه بسرعه . وباس جبين سليم وقام .
خالد شايف خوف شريف ع اخوه .وربت ع كتفه . تعالى نشوف الدكتور هيقول ايه . وربنا يستر ..
شريف حط هدوم سليم ع الكرسي وخرج مع خالد .. وشافو الدكتور جاي اخر الطرقه !! 
خالد اهو يشريف دكتور امجد
. الل جاي علينا ده !! 
امجد مساء الخير ..
شريف اتكلم بعصبيه ..سليم حصله ايه وهيعيش مش كدا قولى ف خطړ ع حياته 
دامجد اولا ممكن حضرتك تهدى . وثانيا كل حاجه ف علم الغيب . المړيض جالى اثر حاډث سير . ودخلنا بيه ع العمليات فورا . واكتشفنا انه عندو شرخ في الجمجمه . وچروح متفرقة ف صدره ووشه وكمان رجليه . وچرح كبير جدا ف راسه من المقدمه . وجبينه . وكسر ف دراعه اليمين . 
شريف رجع بضهره لورا .. بزهول .
خالد ضاغط ع شفايفه لكن ڠصب عنه دموعه نزلت . وبص لفوق وبياخد نفس عميق .
شريف يعنى الشرخ ده في خطړ عليه . فهمنى انا مش فاهم حاجه 
دامجد لا الحمد لله اطمن الشرخ ده بسيط جدا وهيلتأم مع نفسه ف خلال اسبوعين ل٣ اسابيع بالكتير . وهيفضل تحت الملاحظه ٢٤ ساعه . علشان نراقب لاقدر الله ممكن يحصل ڼزيف . وده متوقف ع إشاعه هنعملها خلال ال٢٤ ساعه الل جايين .
شريف ڼزيف !! 
دامجد انا بقول لا قدر الله . دى إجراءات للاطمئنان عليه مش اكتر ولا أقل . والل مطمنى إن الشرخ
بسيط . لكن ليه آثر سلبى ع حياة المړيض ..
شريف بصله وهز راسه انه
مش فاهم حاجه.
د امجد . بمعنى إن الشرخ ده مع الالتأم هيسبب صداع شديد للمريض . وده هيآثر ع أسلوبه بعد كدا . واي رد فعل هيكون غير مقصود منه لأنه بسبب الشرخ والصداع . هو المفروض يتحمل . ولما يفوق انا. هكتبله ع مسكنات لكن مش لازم انه ياخد كميه كبيره من المسكن ده . هو مره او مرتين يوميا . ولازم . لازم يكون حد جمبه ليل نهار ويتابع تصرفاته !!
خالد بعدم فهم . يتابع تصرفاته ازاى مش فاهم !
دامجد حضرتك متستهونش بشرخ الجمجمه . ده بيسبب صداع شديد جدا . واكيد هيكون عصبى . وعلشان كدا قولت لازم يكون حد جمبه ..
شريف انا هنقله ل مستشفى خاصه حالا !! 
دامجد صعب حاليا حركة المړيض علشان الشرخ وممكن مع الحركه يسبب ڼزيف. وصدقنى احنا عملنا كل حاجه ع مستوى عالى . ولو عايز تنقله يبقى ع مسؤوليتك الشخصيه . وتمضي إقرار انك انت المسؤول ! لان الشرطه موجوده ومنتظره المړيض لما يفوق . وبصلهم .بعد اذنكم . ومشي .
شريف . قعد بتعب ومسح وشه بايديه. وخالد جمبه . وشريف قرر أنه ما ينقلش سليم خوفا عليه ..
بعد شويه .. 
فريده فاقت . وخالد سمع صوت عياطها وبتنده بإسم سليم . وراح بسرعه ليها . اهدى سليم كويس ..
فريده بعياط هيسيترى . لااا لااا ابنى مش كويس ياخالد !! ابنى متبهدل . ااااه ياحبيبى يبنى . ياترى ايه حصل معاك حسيت بايه ياسليم . وعيطت اكتر ..
خالد اخدها ف حضنه . بس كفايه والله سليم هيكون كويس . هي حاډثه بسيطه وهيعدى منها. 
فريده طلعت من حضنه .وبشهقات عايزه اشوفه خدنى عنده ياخالد يبنى ابوس ايدك.
شريف قرب منها . ممكن تهدى الدكتور طمنا ع حالة سليم . وكل حاجه هتبقى تمام..
فريده مسكت جاكت شريف بدموع قالك ايه الدكتور طمنك قالك ايه انا بصدق كلامك بس متخبيش عليا وغلاوتى عندك قول سليم ابنى فيه ايييه 
شريف مسكها من دراعتها . تعالى استريحي وانا هقولك كل حاجه .. 
خالد من جواه مش قادر يتحمل . وخرج بره الاوضه . ووقف يبص ع سليم من ازاز الغرفه . وسرح بذكرياته مع سليم ودموعه نزلت من غير قيود ..
شريف اتنهد . سليم اتعرض لحاډثه ع الطريق السريع . والحمد لله نط من العربيه . والدكتور قال ان بسبب الوقعه دى حصل عندو شرخ بسيط ف الجمجمه . ودراعه اتكسر وعمل ليه جبيره . والچروح الل ف وشه دى . من أثر الواقعه ع ارض اسفلت . لكن الدكتور قال إن كل حاجه تحت السيطره . وسليم هيفوق وهيبقى زى الفل . صدقينى ..
فريده شهقت بصوت عالى وحطت أيدها ع بوقها وعيطت كتير ياحبيبى يبنى . يارب . يارب خليك معاه يااارب . وفضلت ټعيط ..
فريده بصت ل شريف هو هيفوق امتى 
شريف اتنهد ..ممكن يفوق دلوقتي . او الصبح . سليم هيفوق ف اى وقت .
فريده قامت بدموع .وشريف قام وسندها وخرجو من الاوضه . وقاعدين ف الطرقه لان ممنوع يدخلو عندو .وف ممرضه موجوده جمبه. ومنتظرين الممرضه تخرج وتقولهم إن سليم فاق . 
بعد شويه ..
جه ظابط شرطه . وسلم ع شريف وخالد . وقعد معاهم . وسأله عن سليم شوية معلومات . والظابط سأل شريف هو الباشمهندس سليم بيتعاطي مكيفات أو انواع تانيه !! 
شريف لا ابدا سليم عمرو ما تعاطى حاجه . مفيش غير انه بيشرب سجاير وبسيط جدا بس غير كدا لا!
الظابط هز راسه تمام .. احنا اخدنا اقوال الشهود . والكل بياكد انه الباشمهندس سليم . كان سايق بسرعه كبيره . وعربيته خرجت عن السيطره !!
خالد رد بسرعه . لا طبعا حضرتك . سليم محترف جدا ف السواقه . وطلع فونه وفتحه وجاب فيديو ل سليم .. بص حضرتك ده فيديو ل سباق سيارات بين صحابي انا وسليم . 
الظابط مسك الفون واتفرج ..
خالد بص حضرتك . دي عربية سليم . سايق باحتراف . وعارف هو بيعمل ايه .!! وعندى ليه اكتر من مسابقه واكتر من فيديو . وكسبهم كلهم . استحاله اصدق إن سليم وهو سايق يخرج عن السيطره إلا لو ف حاجه حصلت غلط !!! 
الظابط شاف الفيديو ومهارة سليم ف السواقه . وهز راسه باقتناع تقصد انها حاډثه عن عمد ! 
شريف بالظبط حضرتك . انا شاكك إن حد دبر الحاډثه دي ل سليم اخويا . حضرتك ممكن تشوف عربية سليم ممكن يكون فيها دليل . او حتى ع الاقل نعرف ايه سبب الخروج عن السيطره الل تخلى اخويا يكون بالشكل ده ..
الظابط انا مقدر قلقك وخۏفك على اخوك ياشريف باشا . واحنا فعلا عملنا كدا بعتنا متخصصين وشافو عربية الباشمهندس سليم . لكن للاسف . العربيه اتحرقت بالكامل . واى دليل فيها اتحرق وانتهى !! 
شريف قام وقف . يعنى ايه الل عملها كدا هيطلع منها !!! وبص قدامه پغضب . وقال سليم خارج من البيت وساق العربيه . وجالى ع الشركه حضر اجتماع وخرج من الشركه ع السفر . لازم اعرف مين الل اذى اخويا ...
بعد شويه
. الظابط مشي ومنتظر اتصال من شريف أو خالد اول ما سليم يفوق علشان ياخد أقواله .!! 
عدت الليله حزينه جدا ع فريده وشريف وخالد . ومحدش رجع البيت . ومنتظرين سليم يفوق . 
فريده طول الليل تصلى بدموع وتدعي ربها انه يشفى ابنها ويفوق ويقوم بالسلامه ..
شريف مرهق وتعبان والفجر ع وشك. وخالد اتحايل عليه يدخل ينام ساعه ف الغرفه الل جمب سليم ولو سليم فاق هيصحيه وخالد قاله انا نمت انهردا ف البيت قوم انت .. وبعد محاولات . شريف دخل بتعب وإرهاق ينام ساعه .
خالد رايح جاي ف الطرقه . ودماغه ھتنفجر من التفكير . وافتكر مكالمة سليم ليه قبل ما يسافر . واتنهد بحيره وطرد الفكره . وقال . طيب أبلغ رهف ولا لأ..!! لأ لأ مش وقته !! لأ انا هتصل عليها ترجع هي اكيد صاحيه دلوقتي لازم تكون جمبه ع الاقل لما نشوف ياست رهف . يمكن سليم بعد ما يفوق هيعمل ايه . وطلع فونه واتصل عليها مره واتنين وتلاته . وف الاخر ردت وكانت ف
ديسكو وصوت الميوزك عالى جدا . وخرجت بره وكلمت خالد . وخالد قالها . ورهف اتخضت واټصدمت بزهول . وقالت قولى سليم ف مستشفى ايه ! 
خالد قالها ع اسم المستشفى .. 
رهف قفلت . وقررت ترجع حالا . تشوف حالة سليم ..
جه تانى يوم الساعه ١١ الصبح . ف المستشفى .
فريده وشريف وخالد . ورهف وأبوها ومنى موجودين ..
رهف جت من الحفله ع المستشفى ع طول . ولابسه فستان دهبى سهره
قصير جداا ومكيب اوڤر جدا . ومصدومه وقلقانه وعايزه تطمن عليه ..
منى وجوزها . واقفين . وقلقانين
نوعا ما . لكن منى قرفانه من شكل المستشفى . وطلبت من رهف إن أول ما سليم يفوق ينقلوه مستشفى كبيره لانها مش قادره تتحمل ..
رهف هزت راسها بقلق . وقالتلها اوكي ..
فريده مش مركزه معاهم . وكل الل شاغل عقلها سليم وأنه لحد دلوقتي مافقش ..
خالد باصص ع