رواية مريم بارت من 7-10

كبير وحرج اكبر واتكلمت بحزن شكرا يافتون وبلعت ريقها بتوتر خدى يافتون العلبه دى حسن باعتهالك 
فتون شهقت بفرحه هو حسن جه !!
سهير بۏجع لأ هو بعت العلبه دى مع واحد صاحبه نزل قبل منه خدى 
فتون بعدم فهم دي علبة ايه دي وفتحتها واټصدمت  
سهير بدموع حسن فسخ خطوبتك وبيقولك كل شئ قسمه ونصيب 
في نفس التوقيت بالظبط 
سليم قاعد ف أوضته ع الكرسي والباب خبط مره واتنين 
فريده من بره سليم يبنى رهف بعتالك صندوق صغير مع السواق افتح لامك ياضنايا متسبنيش واقفه كدا 
سليم قام بعدم إهتمام وفتح الباب ورجع تانى 
فريده امسك ياحبيبى ده الصندوق 
سليم راح عند الشباك وبيشرب سچاره وقال فيه ايه !! 
فريده فتحت الصندوق واټصدمت بزهول وفتحت عينيها ع الاخر رهف بعتالك خاتم الخطوبه وكاتبه انها مش هتقدر تكمل معاك يتبع
بارت ١٠
بسم الله نبدأ
حديث ومعنى
عن أبي هريرة رضي الله عنه قال سمعت رسول الله ﷺ يقول 
كل أمتي معافى إلا المجاهرين وإن من المجاهرة أن يعمل الرجل بالليل عملا ثم يصبح وقد ستره الله عليه فيقول يا فلان عملت البارحة كذا وكذا وقد بات يستره ربه ويصبح يكشف ستر الله عنه 
متفق عليه 
المجاهر الذي يظهر معصيته فيتحدث بها وهو استخفاف بحق الله تعالى 
عند فتون 
فتون شهقت بفرحه هو حسن جه !!
سهير بۏجع لأ هو بعت العلبه دى مع واحد صاحبه نزل قبل منه خدى 
فتون بعدم فهم دي علبة ايه دي وفتحتها واټصدمت 
سهير بدموع حسن فسخ خطوبتك وبيقولك كل شئ قسمه ونصيب 
فاطمه قاعده ف الاوضه بتقرأ سورة الكهف وسمعت كلام سهير إن حسن فسخ الخطوبه واټصدمت بزهول وفتحت عينيها على الاخر من الخبر الل نزل زى الصاعقه وقفلت المصحف وقامت وطالعه من الاوضه وقلبها بيدق 
فتون فضلت واقفه ساكته لثوانى وبتحاول تستوعب وقالت جواها الل سمعته ده بجد !! يعنى حسن سابنى !! لالا انا سمعت غلط !! لأ يافتون انتى مسمعتيش غلط ايوه هي قالت حسن فسخ خطوبتك يعنى حسن سابك !! طيب ليه !!! ليه ياحسن ! تسبنى انا !!! هو بجد حسن باعت دبلة خطوبتنا وفضلت سرحانه ومتكلمتش 
فاطمه بدموع انتى بتقولى ايه يا ام حسن ! حسن ابنك فسخ خطوبته من فتون بنتى ! طيب ليه يام حسن ! ابنك عمل كدا ليه !
سهير نزلت راسها في الأرض والله العظيم ياام فتون انا معرف حاجه وانا وأبوه سألناه كتير ع السبب ومقالش حاجه وحياة حبيبك النبي متزعلى منى ولا من ابو حسن والله العظيم ابوه بهدله وشتمه ف التليفون حسن نكد علينا كلنا وكسر فرحتنا 
فتون ماسكه الدبله وبصه عليها وساكته خالص 
فاطمه عيطت اخص عليه اخص عليه راح ولاف ع مين غير بنتى بقى بنتى الل صبرت عليه السنين دى كلها الل رفضت الدكتور شكرى الصيدلى عشان خاطر مهران الله يرحمه إدا كلمه ل منصور جوزك يسيبها ومن غير سبب هي دى الأصول يام حسن 
سهير بدموع ابوس ايدك يافاطمه يختى متزعليش منى والله انتى عارفه فتون عندى ايه حسن كسر بخاطري قبل خاطرها 
فاطمه بكسره كتر الف خيره يهون عليه العيش والمل 
فتون قاطعت فاطمه بجمود خلاص ياماما ف ايه ! وانتى بتعيطى لييه مش عايزه اشوف دموعك دى خالص !! وبصت ل سهير ماشي ياخالتى أم حسن حصل خير وكل شيء قسمه ونصيب 
سهير بدهشه فتون يابنتى يعنى انتى مش زعلانه 
فتون كتمت جرحها وابتسمت بۏجع ازعل من ايه !! هو حصل حاجه عشان ازعل عليها كله مقدر ومكتوب 
وبصت ل فاطمه 
انا هدخل اكمل ترويق وسابتهم ودخلت وحطت الدبله ع ترابيزة الانتريه وقلعت الاسدال وخبت دموعها وبتحاول تستوعب وطلعت صډمتها كلها ف شغل البيت من غير ولا كلمه 
خالد سايق العربيه ورايح ل سليم وداخل الفيلا ونزل من العربيه وشاور لل جناينى محروس خد تعالى 
محروس جه بسرعه نعم يابيه 
خالد شايف العربيه دي !! عايزك تغسلها وتنضفها عايزها عروسه كدا 
محروس من عينيه يابيه !! 
خالد هز راسه وسابه ودخل اذيك يا عزيزه 
عزيزه الحمدلله ياخالد بيه 
خالد بص حواليه اومال فيري فين 
عزيزه طلعت فوق عند سليم بيه !! 
خالد اممم طيب اعمليلى قهوه ساده وسابها وطلع ل سليم 
سليم راح عند الشباك وبيشرب سچاره وقال فيه ايه !! 
فريده فتحت الصندوق واټصدمت بزهول وفتحت عينيها ع الاخر رهف بعتالك خاتم الخطوبه وكاتبه انها مش هتقدر تكمل معاك 
سليم حط ايد ف جيب البنطلون ونفخ دخان السچاره وابتسم 
فريده من جواها مبسوطه لكن كمان زعلت لان رهف كدا اتخلت عن سليم ف ازمته وقالت قليلة أصل متعرفش يعنى ايه عشره وعيش وملح وقربت من سليم ولاتزعل نفسك ياحبيبى الحمدلله انها ظهرت ع حقيقتها انا كنت متوقعه منها كدا تربية بلاد بره وأجانب يعنى نفسي نفسي 
سليم ابتسم ومردش 
فريده بقلق سليم ياحبيبى اوعى تزعل ولا تفكر انها الل سابتك ولاا 
خالد سمع الحوار من ع الباب ودخل پغضب وبصوت عالي هي مين دي الل سابته !! وبص ل سليم انت ساكت ليييه !
سليم ضحك جيت ف وقتك تعالى تخيل رهف سابتنى !!!
خالد بغيظ لا ياسليم انت الل سايب رهف ومن زمان ولا انت ناسي !!
سليم اتنهد خلاص وهيفيد بأيه مش هتفرق مين ساب مين !! 
خالد پغضب لا تفرق تفرق اوووى وخصوصا مع تربية بنت الجندى ومسك الصندوق من فريده بغيظ وقال وايه دا !! خاتم وورقه مكتوب عليها مش هقدر اكمل معاك !! طيب لما هي كدا وسابت ومش هتقدر تكمل مبعتتش كل حاجه ليه ! فين الدهب والهدايا فين العقد الالماظ فين الشبكه !! فين الموبيل ! ولا نامت عليهم وبص ل فريده مين الل جاب الحاجه دى 
فريده بۏجع بعتتهم مع السواق 
سليم هههههههههههه 
خالد اتغاظ اكتر ايييه ! يعنى كمان ماهنش عليها هي الل تيجى أو ابوها ! 
صح هي دى متربيه اصلا اقسم بالله لاربيهم
واخد الصندوق وخرج پغضب 
فريده خرجت وراه خااالد ياخااالد رايح فين يبنى ياخالد رد عليا !
سليم من جواه بركان ڼار وكرامته وجعته لكن برضو حاسس انه مش فارق معاه الل حصل وخصوصا انه مقرر من زمان انه يسيب رهف وراح قعد ع الكرسي الهزاز ورجع ضهرو وراسه لورا والقطه طلعت نامت وسليم مسد ع ضهرها وسرح ف يوم الحاډثه الل حاله اتبدل بسببها 
خالد نازل ع السلم بسرعه عزيزه شايله صنية القهوه وطالعه وشافت خالد نازل وباين عليه مضايق جدا وكان هيخبط فيها وهي جت ع جمب بسرعه 
خالد خارج من باب الفيلا متنرفز ومحروس بيغسل ف العربيه وشاف شكل خالد ومحروس بعد بسرعه وخالد مهتمش وركب العربيه وساق بسرعه كبيره وطول الطريق يلعن ف رهف ومتغاظ منها 
شريف ف المكتب وسمع صوت فريده بتنده ع خالد وسمع صوت العربيه واتوقع ان سليم زعق ل خالد وخرج بسرعه وشاف فريده وراح بسرعه عليها سليم كويس حصل حاجه بينه وبين خالد 
فريده لا يبنى الل حصل أن رهف وحكتله كل حاجه 
شريف بصوت جهورى كل ده حصل وانا ف المكتب محدش يفكر يبلغنى حتى 
فريده والله يبنى كل حاجه حصلت بسرعه انا يدوبك لسه بقول ل سليم لقيت خالد داخل متعصب ومتنرفز وخرج وشكله ناوى ع شړ 
شريف طلع الفون واتصل ع خالد ومردش 
انا طالع ل سليم اكيد دلوقتي متضايق وبيكسر ف الاوضه المفروض يفرح لانها ظهرت ع حقيقتها هي الستات كدا وبعدين تروح واحده تيجى ١٠ ولو عايز يتجوز من الصبح هجوزو وست ستها وطلع ع فوق
وفريده طلعت وراه 
شريف دخل لكن اندهش من هدوء سليم وقرب منه سليم انت كويس 
سليم أمم انا كويس جدا 
شريف حط ايدو ع ركبة سليم وقال اوعا تكون مدايق أو زعلان لا كويس جدا انها ظهرت على حقيقتها فعلا طلعت بشعه جدا انت بس متزعلش نفسك 
سليم ابتسم و نزل القطه وحط ايدو ع ايد شريف بالعكس أنا مبسوط جدا ومش زعلان هو كان اختيار فاشل من البدايه وده المتوقع من رهف الجندى 
شريف اتنهد باريحيه طيب كويس انك مش زعلان بس الل محيرنى خالد راح فين !! 
سليم هههههههه خالد راح يعمل الصح 
خالد داخل فيلا الجندي پغضب كبير ونده بصوت عالى رهههههف ياااارهف هاااانم يابنت الحسب والنسب انتى فيييييين !!!!
منى وجوزها خرجو ع الصوت مستغربين 
منى بدهشه خالد !! وده جاى ليه ! 
جندى مش عارف ياروحي تعالى نشوف 
رهف نازله ع السلم ولابسه طقم نوم وعليه روب 
منى بكبرياء ايه ياخالد دخلتك علينا بالطريقه دى ! ف حد يدخل بيوت العائلات المحترمه كدا !!
سليم حدف الصندوق ع الكرسي وزعق عااائلات مين يامدام الل محترمه هاااا سمعينى كدا !!! عايز اشوف بس حد محترم ف البيت ده ويطلع يكلمنى !!!
جندى لاااا انت انسان قليل الادب انت ازاى تتكلم كدااا 
خالد حط ايده ف وسطه ههههههه مين الل بيتكلم ده ياجدعان جندى باشا طيب مش قبل ما تتكلم تبص لنفسك الاول وتتعلم الأصول وسليم لما جه اتقدم للمحروسه بنتك بعتلك مع السواق ! وبقولك ايه مدام حريم البيت ده اتكلمت قبل منك يبقى تركن ع جمب كلامى مش معاك وبص ع رهف كلامى مع رهف اووووبس قصدى رهف هانم الجندى وزعق رههههف الل اتخطبت ل سليم بدر الدين الل اى بنت وحتى لو اميره تحلم انها ترتبط بيه حتى بعد الحاډثه 
رهف بقولك ايه ياخالد الكلام دلوقتي مابقاش ينفع سليم انا سبته وخلاص لأننا مبقناش ننفع لبعض اووكي 
خالد قرب منها وقرب من وشها بتحذير لااا يابنت الجندى لأ مش سليم الل واحده تسيبه وخصوصا انتى اوعي تكونى فاكره انى مش فاهمك كويس لاا ده انا صايع واعرف تفكيرك كويس انتى لما شوفتى سليم ف الحفله وعرفتى ثروته وكمان شاب وشكله حلو قولتى هو دا !! دا الل هيكون ل رهف بنك متحرك ودخلتى حياة سليم بتمثليه كبيره اوى عليكى وهي الحب بس تمثيلك فاشل زيك ومكشوف اووووى للكل وانا هارشك كويس ماشي يارهف 
بس انا عايزك تعرفى إن سليم الل سابك ومن زمان مش انتى وزعق فوووووقى فوقى لنفسك اوعي تكونى فاكره إن سليم اتفاجئ لاااا ابدا كلنا كنا متوقعين نادلتك انتى وعيلتك ههههههه قصدى العائله المحترمه 
رهف اتوترت وراحت وقفت جمب منى 
منى بقولك ايه يابنى ادم انت قولت الكلمتين الل عندك اتفضل اطلع بره بيتى ومش رهف الجندى الل تتساب اوكي بنتى بعتت خاتم الخطوبه ل سليم خلاص كلامك مالوش لازمه