رواية صقري الفصول الاخيرة
اقدرش يبقى عندي مانع اصلا ....انتي كنتي فين انا مش مصدق عيني على فكره... هو انتي بجد وانا بيتهيالي قولي انك بجد .. طب هو انا ينفع المسک علشان اتاكد انك حقيقيه مش جرافيك .
همس ابتسمت و قربت منه و مسكت ايده هاا حقيقية ولا لاء .. اي هتفضل مبرق كدة كتير
عساف اټصدم و حضنها جامد وحشتيني قوي يا همس وحشتيني انا كنت مېت من غيرك مش قادر اعيش وانتي بعيده عني ....
همس و هي في حضنه وانت كمان وحشتني يا عساف
عساف پحده طلاما و انا كمان ليه بعدتي عني كل ده حرام عليكي والله العظيم انا كنت باموت من غيرك
همس حاولت انساك كثير قوي يا عساف .. افتكرت نفسي قويه وهاقدر بس ما قدرتش شكلي باحبك قوي.. صقر جالي قبل كده من سنه تقريبا حاول يقنعني ان انا ارجعلك ساعتها قلتله بمنتهى القوه انا عايش من غيره بس ما قدرتش
عساف پصدمه لا ثواني كده بس صقر سافرلك معقول عمل كدة ابن الحديدي
همس صقر ما سافرش مره واحده صقر جالي مرتين مره قبل حفله خالد ومره تقريبا من ثلاث شهور قعد يتكلم معايا وحكالي على اللي انت عملته في حياتك وقد ايه حياتك اتغيرت ....على فكره بابي كمان حكالي عنك كثير قوي .. فاخدت قرار اني ارجع .. ورجعت
عساف مسك يديها وقال لها حمد لله على السلامه بس انت لو فاكره ان انا لسه هافضل احب فيك ونعمل خطوبه ورومانسيه والهبل تبقى عبيطه انا هاكلم ابوك النهارده وكتب كتابه هيبقى بعد اسبوع ده لو ما كانش دلوقت اصلا
همس ابتسمت قوي وقالت له وانا موافقه كفايه الي ضاع من عمري انا وانت عساف انا باحبك قوي انت مش متخيل انا كنت عايشه ازاي من غيرك
اخذها في حضنه جامد وكانه كان نفسه يخبيها بين ضلوعه علشان ما تسيبوش ثاني وقال لها انا اسف انا اللي خليتك تعملي كده وتبعدي عني وتعيش في الحزن ده كله لوحدك بس والله العظيم لاعوضك عن كل دمعه نزلت من عينك بسببي .
و اخدها عساف و استاذن اللواء انها تسافر معاه و اتكلموا مع بعض و قفلوا كل المشاكل القديمة و عدلي كان معجب بشخصية عساف و كان بيتمني ان همس تسامحه و اخدها و سافر الصعيد ..
________________________________________
في الدوار بعد مرور حوالي ساعتين .. خالد قاعد و هو حاضن كارمن
خالد وحشتيني يا كارمن يا حديدي يا صغنن انت بقي . انتي و الولية اللي قاعدة مبوزة في وشي دي من ساعة ماوصلت
نغم اه و هفضل مبوزة في وشك يا بتاع مدرونا
و اسكت بقي علشان ماليش مزاج اټخانق دلوقتي
خالد يا نهار اسوود عليا .. مدرونا بقالها معايا حوالي سنة و هي اللي ماسكة المطعم في ايطاليا و دراعي اليمين يا نغم. يعني طبيعي اتعامل معاها
نغم لا مش طبيعي . والله البت دي عينيها منك والله يا خالد انا مش مچنونة
خالد يا ربي الرحمة من عندك .. ماشي نغم حتي لو انا مش بحب غيرك انتي . ما تتكلموا يا جدعان بقي
بدل ما انتوا ساكتين كدة
كريم ما تتلمي بقي يا نغم .. هو انتي هتقلبيها نكد
يوم عيد ميلاد معاذ .. طب راعوا اننا متجمعين و الواد لسه راجع من السفر
خالد يسلم فومك يا راجل يا طيب والله . خدي بقي ده انا حتي جايبلك الشوكلاته اللي انتي بتحبيها اهي
نغم طب اقولك اقفل المطعم اللي في ايطاليا ده . خالد انت عملت مطاعم في مصر و بقي في كل حتة فرع و الحمدلله اتعرفت اوي .. لي لازمتها ايطاليا بقي
خالد يا نغم ده اول فرع عندي و ليه معزة جامدة في قلبي صعب اوي اني اقفله كدة .. خدي بقي الشوكلاته يا غلسة انتي
و فاجااااااه .. تفتكروا اي اللي حصل ..
احب اقولك ان فاضل بارت واااااااااحد و الرواية تخلص و حقيقي عايزة اعيط
66 الاخييييييره
خالد پحده هتخدي الشوكولاته ولا اديكي بالبوكس في وشك
نغم پصدمة خلاص هاخدها .. براحة شوية الله
ايه لازمة التبريق انا مش عارفة
كريم بضحك احبك و انت مسيطر يا خلود والله
خالد بضحك لا انا اعجبك اووي والله
نغم ابتسمت و عدت اليوم علشان متنكدش عليه و و قضوا اليوم مع بعض لحد ما وصل عساف و معاه همس ..
اول ما دخلت همس جريت علي والد عساف و حضنته وحشتني اوي يا اونكل بجد
والد عساف وانتي اوي يا همس ليه الغياب ده كله يا بنتي ..
همس بحرج معلش بقي سامحني .. والله ده انا كنت ھموت و انزل مصر علشان اشوفك انت .. انت و بس علفكرة
عساف احم ايه نحن هنااا نلم نفسنا و بلاش احضان علشان انا بغير هااا
كريم بفرحة والله انا ما مصدق انك رجعتي يا هموس .. هنا في واحد كان بېموت حرفيا .
عساف بحرج كن في نفسك و بعدين اسمها همس
و اتلم علشان انت اللي بتزعل علفكره ولا ايه رايك نسال ياسوو
كريم بضحك خلاص يا عم .. انا اسف همس اهوو
تمام كدة
...و فضلوا يتكلموا مع بعض و عساف اخد صقر و دخل بيه المكتب
________________________________________
في مكتب صقر ...
صقر بضحك ممكن افهم ساحبني ليه كده ده احنا خلاص 10 دقائق و هنطفي الشمع
عساف وهو مبتسم ما تستهبلش يا صقر .. انت عارف انا جايبك هنا ليه هو انت فعلا روحت لهمس عند خالها عشان تحاول ترجعها عليا .
صقر ابتسم اه حاولت ومش مره مرتين ممكن تزعل اني تتدخلت في حياتك بس انا كان نفسي اشوفك فرحان زينا وحياتك كامله .. كنت انت الوحيد اللي حياتك بايظة يا عساف ما كنتش قادر اشوفك كده .. انا اسف لو ادخلت بس
عساف قاطعه في الكلام و حضنه جامد حقيقي انت اغلي واحد عندي في الدنيا مش بس علشان انت السبب في كل حاجة حلوة حصلتلنا لاااا .. انت اطيب بني ادم في الدنيا يا صقر
صقر بفرحة بادل عساف الحضن انتوا اخواتي و اقرب ناس ليا و نفسي اشوفكم مبسوطين و انا معملتش اي حاجة زيادة عن الطبيعي علفكرة ..
وضحك صقر وحاول ان هو يفك الموضوع
وقال له اسكت مش انا اديت ابوك 300000 اللي انا كنت سالفهم منك
عساف ضحك من قلبه طب كويس انك رجعت الفلوس اللي عليك بقى وبطل تستلف من حد تاني السلف تلف يا ابني
صقر بجدية عساف اوعدني ان مافيش حاجة تخليك تبعد عننا .. احنا عيلتك التانية افتكر اني دايما في ضهرك وقت ما تحتاجني .
عساف ربنا يخليك لينا ..
ضحك عساف بتريقة الفرق بينا حوالي سنة و بجد بعتبرك اخويا الكبير .. انت رهيب يا صقر بجد
صقر ابتسم بفخر يا ابني مش بالسن . و بعدين يلا علشان نطفي الشمع
______________________________________
في الجنينة
اتجمعوا كلهم و كانوا واقفين مستنين جاسر و عزة ..
الحديدي و هو ماسك معاذ الساعة بقت ٩ و جاسر موصلش ما حد يكلمه
صقر بغيظ طب ايه رايكم بقى ان هو لو ما جاءش في خلال 10 دقائق والله يطفي الشمع علشان ده عيل رخم بجد
الحديدي اهدي يا صقر معلش الغايب حجته معاه
صقر اهدي اي بس يا جدي ده عيل بارد هو و مراته
قمر بتحاول تهديه خلاص يا صقر .. جاسر زمانه جاي هو وعزه .. و بعدين ما انت عارف ان غزة حامل وصعب يمشي بالعربيه بسرعه
نغم اه و بعدين هدي اعصابك احسن تطب ساكت . اي علشان اتاخر شوية هتنكد علينا احنا
صقر بغيظ و هو بيبص لخالد سكت مراتك يا خالد بدل ما بالتورتة دي في وشها انا مش ناقص
خالد و هو شايل كارمن و بيلاعبها بهزار طب اعملها علشان البسك انا الجاتوا في وشك نغم اعملي اللي انتي عايزاه يا حبيبتي . هزقي الناس كلها ولا يهمك انا اصلا فقدت الامل فيكي
نغم ضړبته بغل في كتفه كدة برضووو.
ياسمين بضحك خبطت نغم علي دماغها اسكتي بقي شوية. . احنا اسفين يا صقر . كمل زعيق
كريم پحده ياسمين اسكتي ده ممكن يبلعڼا ..و خدي امسكي ابنك اللي شغال عض في امي من الصبح ده .
و انت يا عم صقر ما تطفي الشمع بقي و متقرفناش ده انت رخم صحيح يعني شارط ان كلنا نبقي متجمعين و نسمع كلامك و في الاخر تزعقلنا . دي مش عيشة .. اقولك الغي رحلتشييي
و قعدوا يضحكوا كلهم جامد و صقر اتغاظ كدة طيب
... و لسه هيولع الشمع دخل جاسر هو و عزة اللي كانت حامل في ولد و عايزين يسموه ادهم و في السابع
جاسر دخل و هو رافع ايده انا اسف ع التاخير و الله كله من البنت دي هي السبب
خالد بضحك خلاص قرب اقف جمبي بلاش تقرب من صقر دلوقتي علشان هيطلع ڼار من بوقه .. و يلا نطفي الشمع ..
و فعلا اتجمعوا كلهم و احتفلوا بعيد الميلاد و طفوا الشمع و قعدوا يهزروا مع بعض كلهم ..
و صقر بعد عنهم شوية و الحديدي راح وراه
الحديدي مالك فرحان مش كدة...
صقر ابتسم كنت فاكر السعاده بتتقاس بالفلوس والمكانه و الاحترام طلعت غلطان عرفت ان السعاده بتتقاس بحب الناس انا بجد النهارده في غايه السعاده يا جدي .
الحديدي بفرحة ليه يا صقر و اشمعنا النهاردة
وبص صقر ناحيه اخوه بفرحة اشمعنا علشان خالد بقى عنده اكبر سلسله مطاعم و متجوز وعنده بنوته و فرحان .. حياته تغيرت قوي بجد انا فخور بيه اوي وكريم استقر في مصر و رجع الشركه معايا متجوز و مرتاح مع ياسمين .. حتي جاسر و غزة و اكتملت النهاردة بعساف .. همس اخيرا رجعتله
بعد كل ده بتسالني فرحان ليه
الحديدي قرب منه و حط ايده علي كتفه عرفت ابوك اختارك ليه تبقي انت الكبير من بعده علشان واخد حكمته و عقله مع نقاء قلب والدتك .. اينعم كان في حاجات مشوشة علي النقاء ده بس انت قدرت تغير نفسك
و سابه الحديدي ووقف صقر و هو بيبص ناحيتهم بفرحة و فخر ...
صقر في سره حياتي كانت مثل النيران
و الحب كان بالنسبه لي آخر شي .. عملي كان الاهم
ولكن الآن ادركت معني الحب بوجود عائلتي بجانبي و اصداقائي أصبحت ابتسامت علي وجهي أكثر بوجودهم جانبي
نعم ..الفلوس ليست كل
شي أحيانا الفلوس الذي تكون معانا تهلك حياتنا وتجعلها الم وۏجع قلب
ولكن حب العائلة هو الدفئ الذي كنت ابحث عنه من يوم نشاتي .
و اتفاجاه صقر بقمر حضنته من ضهره و بتقرب علي ودنه و تقوله بحبك اوي كلهم بيرقصوا مع بعض
ما تيجي نرقص
صقر ابتسم و شدها لحضنه انا بموووت فيكي يا قمر . روحي نادي عليهم ناخد صووورة مع بعض
و قربوا كلهم و اخدوا صوورة للذكري ..
