رواية ادهم الجزء الاول
بصي يا ستي بما انك مهندسة ديكور ف أنا لقيتلك شغل في شركه كبيرة لسه فاتحه فرع هنا في شرم الشيخ جديد ومحتاجه مهندسين ديكور شاطرين و بعت ليهم ال C V بتاعك ووافقوا انك تروحي بكرا تعملي المقابله معاهم
تارا بتوتر تفتكر هيقبلوني
يوسف بثقة و من بكرا كمان !
تارا بقلق يارب
يوسف بحنية وبعدين بطلي توتر بقي عشان زينهم ميتعبش !
تارا بتعجب زينهم مين
يوسف بضحك هو انا مش قولتلك أن أنا عايز اسمي البيبي زينهم
تارا پصدمه نععععععم لا طبعا انا اسمي ابني زينهم انت اكيد بتهزر !
ظل يوسف يقنعها وهو يضحك بشده
في باريس
مر يومان كان ادهم يتجاهل غاده بهم تماما وكان يستغل انشغالها في الليل ليذهب للنوم علي الأريكة دون أن تشعر به
غاده بغيظ ادهم !
لم يرد ادهم فقد كان يصطنع النوم بينما غاده ظلت تنادي عليه حتي شعرت باليأس وذهبت للنوم بضيق
صباح اليوم التالي
استيقظت تارا من نومها بنشاط وقامت لتتناول الإفطار و تأخد ادويتها ثم عادت لغرفتها لتبدل ثيابها لتستعد للمقابله
بعد دقائق
كانت تارا تهم بأغلاق بابا المنزل لتجد يوسف امامها وينظر لها بإبتسامه
يوسف بإبتسامه يلا عشان ننزل يا توتو
تارا بإبتسامه يلا علي فين
يوسف اكيد مش هسيبك تروحي المقابلة لوحدك يلا نروح سوا يا توتو
تارا بضحك يلا يا سوفا
في الطريق
تارا بتوتر أنا خائڤة اوي يا يوسف
يوسف بأطمئنان مادام قلقتي يبقي هتتقبلي
تارا بتعجب بجد
يوسف بتأكيد أيوة بجد
امام شركة كبيرة جدا يبدوا عليها الضخامة وروعه البناء توقفت سيارة يوسف
تارا بعد أن رأت الشركه ازداد توترها بشده
تارا پخوف يوسف بلاش ننزل الشركه باين انها كبيرة اووي وانا خاېفه اني متقبلش
يوسف بجديه بصي يا تارا مادام جيتي ادخلي عشان تبقي عملتي اللي عليكي ما يمكن تتقبلي ويبقي عندك شركه اكبر من دي
ضحكت تارا بقوه ماشي يا يوسف هسمع كلامك و هحاول اصدقك
داخل الشركه
دخلت تارا للمقابة بينما جلس يوسف ينتظرها في الخارج
في الداخل
كانت نائبة المدير هي من تقوم بإجراء المقابلة مع تارا
نائبة المدير وهي تتفحص ملفها مممم يعني أنت متخرجه بتقدير امتياز
تارا ايوه يا فندم
نائبة المدير ممم بس عرفت انك حامل !
تارا بتوتر أيوة يافندم بس ده مش هيأثر علي شغلي خالص أن شاء الله
نائبة المدير طيب معاكي حاجه من شغلك
اومأت تارا لها وهي تفتح اللاب توب الخاص بها وتريها بعض الصور
تارا دي كلها صور من شغلي علي برامج معينه
نائبة المدير بإعجاب شغلك بروفيشنال اوي
تارا بإبتسامه شكرا لحضرتك
نائبة المدير بإبتسامه بس أنا فعلا مش ببالغ احنا الفترة دي فعلا محتاجين الأسلوب ده في التصميم مبروك اقدر اقولك انك اتعينتي معانا
تارا بفرحه شديده شكرا جدا لثقة حضرتك يا فندم
نائبة المدير بإبتسامه تقدري تبدأي شغل من بكرا الساعه 9 و ندي السكرتيرة اللي بره هتعرفك علي كل حاجه بخصوص الشغل
شكرتها تارا ثم استأذنت نحو الخارج
ي
في الخارج
كان يوسف يجلس
على احدي الكراسي بتوتر شديد حتي وجد تارا تخرج وهي ترسم الحزن علي وجهها
يوسف پخوف ايه اللي حصل ولا اقولك هو باين علي وشك يلا نمشي
سار يوسف بحزن بينما تارا تسير خلفه وهي تحاول أن تمنع نفسها من الضحك بصعوبة
في السيارة
يوسف بضيق أنا مش هيأس وهدورلك علي شركه تانية احسن منها
تارا بحزن مصطنع وهي تنظر له وقف العربية شوية
أوقفها يوسف پخوف
تارا بحزن مصطنع هو انت بكرا هتوصلني الشغل ولا هركب توكتوك
يوسف بحزن اكيد هوصلك اي ده استني كده أنت قولتي ايه يامجنونه يعني أنت اتقبلتي وبعدين ايه ده في مهندسة ديكور محترمه تركب توكتوك
ظلت تارا تضحك بشده علي ما قاله وبقيا هكذا حتي ذهبا كل لمنزله
في باريس
ادهم بضيق عندنا سهرة علي الساعه 8 كده
غاده بفرحه عاملي عشاء كأعتذار ياحبيبي
ادهم بكره ده عشاء عمل مش عايزك تنسي اننا جايين عشان الشغل اصلا يعني مش جايين نتفسح أو شهر عسل
نظرت له غاده بغيظ وذهبت لتستعد فقد أخبرها قبل ساعه فقط كيف ستضع مستحضرات التجميل ومتي سوف تهتم بشعرها فذهبت من أمامه لان لا وقت للنقاش
بعد ساعة ونصف
كان ادهم يقف في أحدي القاعات الكبري في باريس من أجل العمل
كان ادهم يقف مع بعض رجال الأعمال يتناقشون في العمل
كانت هناك عيون تراقبه للتأكد أن كان هو أو لا ولكنها تأكدت عندما رأته يتحدث مع امراءة ما بالمصريه فأقتربت منه بإبتسامه لتلقي عليه التحية وتطمئن علي زوجته
المرأة بإبتسامه ازيك يا استاذ ادهم
ادهم وهو يبادلها الابتسام الحمدلله تمام
المرأة وقد لاحظت عدم معرفته أنا دكتورة مها دكتورة مدام تارا !
الفصل الثامن عشر
المرأة أنا دكتورة مها دكتورة مدام تارا !
ادهم بعدم اهتمام اهلا بحضرتك
الطبيبة مها بتعجب هي مدام تارا كويسه بقالها كتير مش بتجيلي المتابعه !
ادهم بإيجاز لا هي بس اتحسنت الحمدلله
الطبيبة مها بإبتسامه ازاي بقي أنا قايللها ان المتابعه في الأول دي مهمه اوي شكلها كملت مع دكتورة تانيه !
ادهم بعدم فهم متابعه ايه
الطبيبة مها بتعجب متابعه الحمل !
ادهم پصدمة حمل !
الطبيبة مها بتعجب أشد أيوة مدام تارا حامل في شهر و ايام !
لم يحتمل
ادهم صډمته فذهب من امامها بسرعه وغادر المكان دون أن يتذكر حتي وجود غاده مع اصدقائها
ظل يجوب بسيارته شوارع باريس وهو مازال تحت تأثير الصدمه إلي أن أوقف سيارته في أحد الشوارع الهادئة وظل يحدث نفسه
ادهم بفرحه اخيرا يا تارا معقول حلمنا اتحقق وهخلف ابن منك الحمدلله اكيد فرحتي اوي اول ما عرفتي ياحبيبتي كان نفسي اكون معاكي اول ما نعرف الخبر كان نفسي احضنك واقول للعالم كله اني مراتي حبيبتي حامل وهتجبلي نسخه حلوة زيها منها يااااه فضلنا كتير نحلم باليوم ده وب رد فعلنا فيه بس للاسف اتحقق غير ما كان نفسنا بس خلاص ياحبيبتي هانت !
ثم بدأ بتمالك نفسه وعاد إلي حيث توجد غاده وجدها تقف أمام القاعه وتمسك هاتفها ويبدوا عليها الضيق الشديد
توقف بسيارته امامها فأقتربت لتركب بدورها
غاده پغضب وصوت عالي انت كنت فين كل ده ومش بترد ليه وأزاي تسيبني لوحدي وتمشي كده
ادهم بنظرة ناريه صوتك ميعلاش فاهمه
اومأت غاده له پخوف
ادهم بتمثيل جالي خبر ۏفاة واحد صحبي ومقدرتش استحمل الخبر !
غاده بتأفف وتمثيل الله يرحمه يا حبيبي !
ثم حرك السيارة بأتجاه المنزل مره اخري
في شرم الشيخ
مر اسبوع علي تارا وهي تعمل وقد أثبتت نفسها في العمل و اصبح رأيها من الآراء المهمه في العمل
عادت تارا منزلها بتعب ثم ذهبت لتحضر الطعام قبل أن تذهب مره اخري إلي متابعتها الأسبوعية
مر حوالي شهر اخر منذ معرفه ادهم بخبر حمل تارا وكان وقتها قد انتهي من عمله في باريس فعاد إلى مصر !
ذهب إلي فيلته وهو متشوق لرؤية تارا وكان يسرع في خطواته ليراها
دخل ليجد والدته تجلس في الصالون وتشاهد التلفاز براحه
اقترب ادهم من هياتم بإبتسامه
ادهم ازيك يا ست الكل
هياتم
بإبتسامه كويسة ازيك انت ياحبيبي
ادهم بفرحه الحمدلله وأكمل وعيناه تبحث عنها اومال تارا فين
هياتم بحزن مصطنع وتمثيل اسكت يا ادهم متفكرنيش باللي حصل منها لله
ادهم پخوف علي تارا ايه اللي حصل
هياتم بكذب وتمثيل أنا وصلتكم ودخلت لقيتها جايبة شنطه كبيرة ونازله بقولها راحه فين يابنتي زقتني و قعدت تزعق وټشتم فيك وفيا وفي غاده بقولها ايه اللي حصل لكل ده قالتلي أنا زهقت منه وبصراحه كده لقيت اللي يدفع اكثر و لما جيت امنعها عن الخروج ضړبتني علي دماغي بفازا كانت علي الترابيزة وطلعت تجري واكملت پبكاء مصطنع أنا اسفة يابني حقك عليا اني معرفتش أوقفها
ثم وضعت يديها الاثنين علي وجهها وتبكي بشده
تحرك ادهم من مكانه وذهب يحتضنها بحزن عليها وڠضب شديد من تارا ومن ما فعلته
كان يشعر أنه أخطأ عندما فكر أن يسامحها بعد ما فعلت !
في شرم الشيخ
كانت تارا تعمل بجد خلال هذه الفترة حتي أنها بدأت في تجهيز غرفة في منزلها للبيبي وكان جميع ما تدخره من مال توفره لطفلها فهي قد بدأت تخطط لكل ما يحتاجه لتوفره له علي اكمل ما يكون فهو ما لها في الحياه !
بعد مرور سبعة أشهر
في شرم الشيخ
علي الهاتف
تارا بتعب بسيط لا يايوسف أنا اخدت إجازة لمده عشان اولد واخلي بالي من البيبي
يوسف بضحك هتفضلي تقولي البيبي كده طول ما انت مش راضية تعملي سونار أنا قولتلك نعمل عشان نعرف بدل ما تدبسي !
تارا بضحك أنا كده كده جايبة هدوم الاتنين و بعدين أنا عايزة تبقي مفأجاه وكده كده كل اللي ربنا يجيبه كويس وانا راضيه الحمدلله
يوسف بإبتسامه ربنا يرضيكي ويراضيكي
بعد اسبوع
استيقظت تارا من نومها علي ۏجع بسيط في بطنها ولكن لم تهتم فهي هكذا منذ أن بدأت شهرها التاسع وقامت لتحضر حقيبة لها ولطفلها كما أخبرها يوسف لتبقي احتياطية
بعد أن انتهت
جلست لتسرح في خيالها وتتذكر أيامها مع ادهم وحبهم الذي تبخر
ظلت تارا تتخيل ادهم بجانبها ويحتضنها ويضع يده علي بطنها ويسميان طفلهما سويا
نزلت دمعة من عينيها مسحتها بسرعه
تارا بقوة خلاص يا تارا مفيش عياط تاني أنا لازم ابقي أقوي عشان اعرف احافظ علي البيبي انا خلاص مليش غيرها
ثم فكرت أن تقوم لتشرب شئ ما ولكنها شعرت مره واحده بۏجع بطنها يزداد ويزداد حتي لم تستطع كبته صړخت بقوة
ثم حاولت الاتصال على يوسف
يوسف بضحك ده انا لسه قافل
تارا بمقاطعة انا تعبانه اوي انا شكلي بولد !
يوسف بتوتر وخوف طيب بصي اتنفسي كويس وحاولي بس تلبسي الاسدال وانا هجيلك حالا
حاولت تارا التحرك ونجحت بعد صعوبة واخيرا ارتدت اسدالها
رن جرس الباب
كان تصرخ من الۏجع وهي تحاول التحرك إلي أن فتحت الباب
قبل أن يحدثها يوسف كانت تهوي مغشية عليها !
الفصل التاسع عشر
فتحت عينيها لا تعلم كم مر من الوقت أو ما حدث كل ما تعلمه أن هذا ليس منزلها !
ليدخل عليها يوسف بإبتسامه كبيرة
يوسف بضحك أكثر حد كان هادي وهو بيولد ده احنا نكرمك بقي
تارا ضحكت بصعوبة أنا البيبي فين
يوسف بجديه موجود
تارا بشوق طب بنت ولا ولد
يوسف بطفوليه مش هقولك عشان مرضتيش تخلينا نعرف لما كنتي حامل !
تارا بإبتسامه يلا يايوسف بقي بجد عايزة اعرف !
يوسف بجديه البيبي زعلان منك !
تارا پخوف ليه هو فيه حاجه كويس
يوسف بجديه كويس بس أنت كل ما بتتكلمي بتجيبي سيرة البيبي بس لكن أخته لا وهي زعلانه منك وعماله ټعيط !
تارا بعدم استيعاب ازاي يعني مش فاهمه
يوسف بضحك هو البنج لحس عقلك ولا ايه انت رضيتي فربنا رضاكي ببنت وولد زي القمر
تارا بفرحه وقد حاولت أن تقوم هما فين أنا عايزة اشوفهم
يوسف بسرعه وهو يرجعها مكانها هما بيلبسوا وجايين أنت بس
اللي فوقتي بدري
تارا بحماس طب روح شوفهم بقي واستعجلهم
يوسف حاضر
بعد مرور عشر دقائق
دخل يوسف وهو يحمل علي ذراعيه الاثنين اطفال تارا حينما رأت تارا يوسف يدخل
الغرفة اعتدلت في سريرها سريعا دون أن تبالي پألم جسدها
اخذت أطفالها منه وقامت بأحتضانهم بشوق وحب وبدأت تبكي بشده من تأثير الموقف عليها شعرت أن الله قد عوضها عن جميع ما حدث لها من خېانة وإهانة وذل
يوسف بإبتسامه بعيدا عن اللحظة الحلوة دي هتسميهم ايه
تارا بتفكير و ابتسامه هسمي يوسف و يقين
يوسف بإبتسامه الله اساميهم حلوة اووي بس اسم يوسف ده مش عارف سمعته فين قبل كده بشبه عليه
ظلت تارا تضحك
بينما بدأ ينظر لها يوسف بحنان وابتسامه وهو يدعي الله أن يوفقها في حياتها ويحفظ لها أبنائها
في القاهرة
في فيلا ادهم الكيلاني
في غرفة هياتم
كانت تجلس هياتم علي كرسي في الغرفة بأرتياح شديد بينما تنظر لها غاده في اعجاب واضح وتعجب
غاده بخبث اقنعتيها ازاي انها تمشي اوعي تفتكري اني صدقت الكلام ده
هياتم بسرحان أنا معملتش اي حاجه انا اتطمنت انكم مشيتوا وطلعت اوضتي انام صحيت الصبح عشان اطردها ملقيتهاش ولا حتي لقيت هدومها ولا شوفت
وشها من ساعتها فقررت اني استغل ده لصالحي كالعاده زي ما بعمل علي طول بس اللي مستغربه منه أنها مشيت ليه وراحت فين وهي اصلا ملهاش حد !
غاده بعدم اهتمام في داهيه المهم انها غارت بس كويس انك عملتي كده كده مستحيل ادهم يفكر يدور عليها
في غرفة ادهم
كان يقف في الشرفة بضيق وهو يتحدث في الهاتف
ادهم بضيق تدور في كل مكان وتتأكد من سجلات رحلات الطيران والمستشفيات
ثم اغلق الهاتف وهو يفكر في خطه ما !
بعد مرور شهرين
في شرم الشيخ
منزل تارا
كانت تارا تحضر الإفطار بسرعه لتعود لطفليها ولكن عندما عادت لاحظت أن طفليها أحدهم ېصرخ بشده ووجهه أصبح احمر بشده تركت ما بيدها واسرعت له لتحمله ولكن وجدت أن طفلها حرارته مرتفعه جدا
أسرعت تارا لتمسك هاتفها وتتصل علي يوسف وهي تبكي
تارا پبكاء إلحقني يايوسف يوسف الصغير سخن اووي
يوسف بقلق طيب بسرعه لبسيه و البسي أنت و يقين
تارا حاضر
اغلقت تارا معه ثم ذهبت لتغير ملابسها وملابس أطفالها سريعا
عندما انتهت تارا رن جرس المنزل ذهبت لتفتح لتجد يوسف
اقترب يوسف بسرعه واخذ منها يقين وتركها تحمل يوسف عله يهدء في حضنها
ثم اسرعا نحو الأسفل ليتحركا إلي المشفي
بعد دقائق
الطبيب عنده برد من تغيير الجو لازم رعاية تامه احنا عملنا اللازم واديناله خافض حرارة بس لازم رعاية عشان السخونية لو زادت هيبقي في خطۏرة الف سلامه
ثم ذهب
ظلت تارا تبكي پخوف علي طفلها ولكن يوسف كان يحاول تهدئتها
يوسف يابنتي اهدي هو مش قال عمل اللازم احنا كمان هنخلي بالنا وان شاء الله خير
اومأت تارا له ومسحت دموعها ثم دخلت لطفلها
ظلت تتأمل وجهه البرئ وعينيه السوداء الواسعه كأبيه تماما فقد كان وكأنه نسخه منه ظلت تتأمله بحزن شديد مما حدث له ومن كونه هو أخته بدون اب في حياتهم ظلت تتخيل ادهم معهم ويطمئنها ويحمل معها أطفالهم ويرعاهم كأسرة رائعه تذكرت وعوده لها بأن يظل معها طوال العمر و كيف فكرا في حياتهم بعد إنجاب أطفالهما
مسحت دموعها التي انهمرت دون أن تشعر بها وظلت تنظر لطفلها بحنان
بعد قليل جاء يوسف لتارا ليخبرها أن الطبيب سمح بذهابهم فتحركا سويا نحو الخارج
في القاهرة
في فيلا ادهم الكيلاني
في غرفة ادهم
كان ادهم يتحدث في الهاتف بعصبيه شديده
ادهم بصوت عالي وڠضب ازاي يعني مش عارف توصلها
ادهم احسنلك اقعد في البيت وسيب الشغلانه
ادهم بنفاذ صبر هديك آخر فرصة ولو معرفتش مكانها هرفدك !
ثم اغلق الخط
ادهم وهو يضرب بقبضته الحائط مهو أنا لازم الاقيكي !
الفصل العشرون
في القاهرة
في فيلا ادهم الكيلاني
في غرفة هياتم
غاده بغيظ وضيق وسخريه عيل ايه اللي اخلفه ده مش طايقني ده اغلب الوقت نايم تحت في المكتب و اللي باقي في الاوضه عالكنبة
نظرت لها هياتم پصدمه لتتابع غاده
غاده أنا بجد زهقت وجبت أخري وهو لسه عايش علي اطلال الهانم
هياتم انت لازم تتصرفي اعملي اي حاجه ونسيه الزفته دي مينفعش تستسلمي دلوقتي !
نظرت لها غاده بضيق ثم صمتت
في شرم الشيخ
في منزل تارا
في غرفة أطفالها
كانت تارا تجلس بجانب طفلها يوسف بعد أن انامت طفلتها يقين
ظلت تضع له كمادات وتجلس بجانبة پخوف كانت تضع كل تركيزها في رعايته مر وقت علي وضعها هذا حتي انتبهت إلي صوت اذان الفجر قامت بعد أن اطمئنت أن حرارته قد انخفضت وذهبت للتتوضأ وتصلي الفجر وبعدها خرجت لتحضر اللاب توب الخاص بها إلي غرفة أطفالها وجلست تعمل بجد وبين حين وآخر تنهض لتطمأن علي طفلها وتعود لتكمل حتي غفت من التعب وبعد عشر دقائق استيقظت سريعا علي صوت بكاء طفلها
ظلت حياتها هكذا تعب وكفاح و جهد في أن تهتم بأطفالها وترعي عملها حتي مر خمسة أعوام تحقق في هذه الأعوام حلمها في أن يصبح لديها شركة من أكبر الشركات في مجال الديكور أطلقت عليها اسم Y T
في شرم الشيخ
في فيلا تارا
علي سفرة الإفطار
يقين بطفوله مامي هو بابي كلمك امبارح
تارا بإبتسامه أيوة ياحبيبتي كلمني بليل عشان انت عارفه ان بابي مسافر والساعه هناك غير هنا
يوسف بتذمر طفولي طيب مش صحتينا نكلمه ليه
تارا بحزن عشان انتم ياحبايبي كنتم نايمين وصعبتم عليا بس بابي سلم عليكم كتير وبيقولكم أنه هيبعتلكم لعب كثير اووي بكره
يوسف ويقين بفرحه هيه هيه يحيا بابي
نظرت لهم تارا بإبتسامه وقلبها مفتور من الحزن عليهم
قامت تارا لتنده الخادمه وتخبرها أنها سوف تذهب وان تهتم بأطفالها وتوصيها إذا حدث شئ أن تحادثها
في شركه Y T
في مكتب تارا
جاء يوسف ودخل لها وهو يبتسم بسعاده ولكن انمحت سريعا عندما رأي حزنها
يوسف مالك يا تارا
تارا بحزن تعبت يايوسف تعبت من سؤال الولاد كل يوم عن باباهم تعبت من كڈبي عليهم أنه مسافر وأنه بيسأل عليهم كل يوم تعبت من اني اروح اخر كل شهر اشتريلهم لعب كتير واقول من بابا عشان ميزعلوش تعبت و أنا شايفة فرحتهم خاېفة يكرهوني لما يكبروا
يوسف بحزن علي حالها طيب مش شايفة ان جيه الوقت عشان تقولي لادهم الحقيقة
تارا پبكاء خاېفة أنا صحيح عدي 5 سنين بس لسه خۏفي منه متغيرش لسه متاكده أنه ممكن يعمل في ولادي حاجه مش عارفه اديله الامان لو مش هو غاده لو مش غاده طنط أنا مقدرتش انسي اي لحظه عشتها هناك أنا لسه بفتكر كل موقف واتوجع كأني لسه في الموقف أنا مش عارفه انسي أنا طاقتي خلصت أنا مش عارفه أخرج من الماضي !
يوسف بحزن خلاص يا تارا اهدي انت طول عمرك قوية اوعي تضعفي أنا متعودتش عليكي ضعيفة أنت اللي علي طول بتقويني مش هقدر اشوفك كده ولو علي انك تقولي لأدهم متقوليش مش مهم بس أنا هفضل بردوا ادعمك واقف معاكي لانك اختي يا تارا !
تارا وهي تحاول الابتسام المهم قولي اخبار بنت عمك ايه
يوسف بتذمر مصطنع تصدقي أنا غلطان اني قولتلك أنها قريبتي يعني اول ما جت تشتغل معايا في المستشفي وحبيتها كونتي بتقولي يارا عادي ولما فضلت خاطبها سنتين بقيتي تقوليلي بنت عمك كتبت الكتاب واتجوزنا اهو من مده وبردوا بتقولي بنت عمك و اهي حامل اهي جربي تقولي تاني بقي بنت عمك !
تارا بصړاخ سعيد طفولي يارا حامل هيه هيه هبقي عمتو هيه !
يوسف بضحك انت متأكده انك مخلفه طفلين عندهم خمس سنين
