رواية جديدة جميلة الفصول من الاول للخامس

مع خالتى نعمه ومبتاخدش بالها انا فين .. مش بتاخدوا بالكوا الا لما اضرب .. بضړب من اى حد ماهى اليتيمه بقى اللى ولا ليها ام ولا اب يقفولكوا ف يلا كل واحد يضرب شويه ويتحكم .. زى ماانت بتعمل دلوقتى بالظبط .. حسام كلامها ابتدى يأثر فيه .. اول ما قالت كده ينزل ايده .. تعرف .. انا اللى كان مصبرنى على العيشه معاكو هى حاجه واحده وانت قټلتها امبارح وفات الاوان انى اعترفلك بيها .. وعشان كده انا مش عاوزه اعيش معاكوا تانى .. وكتر خيرك والله انك بتربينى كل دا .. بعفيك من مسئوليتى دلوقتى .. سيبنى فى حالى بقى
حسام سامعها وساكت ولاول مره يلاحظ الۏجع الكبير اللى فى عينيها .. حس للحظه انه عاوز يضمها ويعتذرلها على كل اللى هى حساه .
فريده بزعيق لا معلش مش هسمحلك .. مش هسمحلكوا كلكوا .. مش عاوزه تعاطف من حد ومش عاوزه اصعب على حد .. كل اللى عاوزاه انك تسيبنى فى حالى وتمشى
عماله تزعق ومتوتره جدا وبتترعش وبتفتكر كل حاجه مرت فى حياتها ومۏت باباها اللى كسرها ومۏت عمها اللى كان مكان باباها والعڼف اللى بتتعرضله كل يوم من خالتها وچرح قلبها من اول حب فى حياتها وصډمتها فى حسام ونرمين اللى كانت بتعتبرها اختها واللى قالتلها على اعجابها بحسام ورغم كده خانتها 
فريده بعياط هستيرى كلكوا السبب .. انتو السبب فى اللى انا فيه وبعيشه .. انا بكرهكوا كلكو .. وبكرهك انت اكتر واحد .. بكرهك يا حسام بكرهك
عماله ټعيط جامد لدرجه ان حسام مبقاش مستحمل وحس للحظه ان دموعه خلاص هتنزل .. بدون اى مقدمات يشدها .. حاوطها بايده جامد وكأنه بيديها القوه عشان تهدى .. فريده فضلت ټضرب فى كتفه وصدره شويه بضعف وتزقه لكن فى الاخر استسلمت لقوه وفضلت ټعيط .. ټعيط زى طفل صغير فقد امه .. كل چروحها اتفتحت وللاسف مش عارفه تبطل عياط او تهدى حتى .. حسام بيشد ايده حواليها اكتر وبيضمها بقوه اكبر وكأنه بيداويها وبيخفف ۏجعها .. صوتها بيهدى وعياطها بدأ يقل .. يعدى الوقت عليهم والاتنين مش حاسين بيه .. فريده سانده بايدها الاتنين على دراع حسام وراسها على صدره .. وحسام لافف ايده حواليها كأنه شايلها .. شويه وحسام يحس بيها هديت تماما .. يبصلها يلاقيها مغمضه عينها ودموعها بتنزل فى صمت .. حسام يشيلها ويتجه للسرير .. ينيمها عليه بالراحه وفريده مازالت مغمضه عينها بتعب من كتر العياط والانفعالات اللى اتعرضتلها .. بتلقائيه يمد ايده يمسح دموعها وفى نفس اللحظه يمسح الدمعه اللى نزلت من عيونه ڠصب عنه من وجعه عليها .. .. ويغطيها كويس .. يقرب منها بهدوء 
حسام بهمس انا اسف
يسيبها ويطفى النور ويخرج .. مجرد ماخرج فريده تفتح عينها ببطئ وتنزل دموعها بضعف وصمت تام .. حسام قاعد على الكنبه بر.. يعدى اليوم وجايز دا اطول يوم مر على الاتنين .. تانى يوم الصبح .. حسام يجهز الفطار قبل ما مامته تصحى ويدخل يخبط على فريده 
فريده ادخل
يدخل حسام يلاقيها قاعده على السرير وباصه بشرود للبلكونه اللى جنب السرير .. يقرب ويحط الفطار قدامها 
حسام باحراج جيت افطر معاكى قبل ما اروح الورشه .. عملتلك الشكشوكه اللى بتحبيها
فريده تبص للاكل وتبصله 
فريده شكرا .. مش جعانه
حسام يبتسم بس انا مش هفطر غير معاكى
فريده يبقى مش هتفطر خالص
تقوم وتدخل البلكونه وحسام يقوم وراها وهو حاسس بتوتر واحراج من بعد وكمان لما شالها ومش عارف هل المفروض يعتذر ولا يعدى الموقف .. فريده كانت بتفكر فى نفس الموضوع بس تفكيرها مختلف .. ! .. ضربات قلبه المضطربه اللى حست بيها وراسها على صدره ! .. حنيته فى التعامل معاها بعد كلامها .. هى فعلا ظلماه ومفيش حاجه بينه وبين نرمين ولا اللى عمله دا مجرد شفقه ! .. مشتته ومش فاهمه اى حاجه .. تتفاجئ بايد حسام اللى على كتفها وبتلفها ليه .. تشيل ايده وتبصله 
فريده بهدوء ايدك لو لمستنى تانى باى شكل من الاشكال متلومش غير نفسك .. وبمناسبه امبارح انا مكنتش فى وعى وكنت بفتكر حاجات كان صعب عليا تحملها مفتكرتش الا لما صحيت انهارده كنت فى اه لكن مكنتش معاك اصلا .. ف ياريت تتحكم فى نفسك لانى مش هتهاون بعد كده .. لو اتكرر ولمستنى تانى حتى لو بتهدينى اوبتساعدنى .. وقتها هزعلك اوى .. وانت لسه مشوفتش وشى التانى .. تمام 
حسام من الرغم من استغرابه من رد فعلها الغير متوقع الا انه كان عاوز يضحك على اخر الجمله وحس انه عاوز يستفزها عشان بس يشوف وشها التانى اللى بتتكلم عنه