رواية عاشقها من 23 الى31
الفصل الثالث والعشرون
لا إله إلا انت سبحانك إني كنت من الظالمين
بسمه دخلت في الحمام وقفلت الباب وقعدت ټعيط . هي مش عايزه تضعف قدامه تاني . هدت نفسها وطلعت كل الطاقه اللي جواها وغسلت وشها وخرجت . راحت علي مكتبها اول اما فتحت الباب اتفاجات بيه قاعد منتظرها
عمر انتي ليه بتحبي ټعذبي نفسك
بسمه ابتسمت ومين قالك اني بعذب نفسي
عمر شكلك باين انك كنتي پتبكي.
بسمه هو لازم السبب يكون انت . عيني اطرفت
عمر وقف وسند علي المكتب وربع ايده وهي قاعده قدامه علي الكرسي
عمر بتكدبي
بسمه انا
عمر اها.
بسمه اوووف. عايزه ايه دلوقتي مني
عمر انتي مشيتي قبل ما اخلص كلامي
بسمه المطلوب مني ايه اتفضل اتكلم
عمر انتي عارفه اني مش بفهم في الامور الطبيه فانا طالب منك انك تكوني معايا تسعديني .
بسمه اكيد معاك. لازم ارد جميلك
عمر ضحك وهي تاهت معاه وهو بيضحك وابتسمت
عمر جميل ايه
بسمه انت ناسي انك انقذتني قبل كده اما اتخطفت
عمر يااه . انتي فاكره . بعدين انا معملتش حاجه انتي اتخطفتي بسببي .
المهم سيبك من كل ده . تعالي نتكلم في الشغل الاول .
بسمه اتكلم
عمر مواعيد الشغل هتتغير . هعمل جدول بمواعيد جديده
بسمه ليه طيب . المواعيد كويسه وماشيه مع معظم الدكاتره
عمر ويوم الجمعه. انا عايز الدكاتره الاساسين موجودين
بسمه زي مين
عمر يعني انتي عارفه اكتر مني .مين اللي بيبقو اكتر دكاتره عليهم ضغط
بسمه رحيم باطنه
عمر والله
بسمه ضحكت . وهو بصلها وسرح في ضحكتها
عمر اتنهد . وهي كشرت علي فكره هو دكتور شاطر.
عمر كملي . كملي
بسمه وفي سمر ودي مخ واعصاب .
عمر تمام .
بسمه وفي عظام دكتور محمود . وفي اسنان ميار
عمر واطفال مين
بسمه انا
عمر بتريقه يا راجل
بسمه راجل . انا . علي فكره انا اشطر دكتورة اطفال
عمر اكيد طبعا انا واثق فيكي . انا كنت بهزر بس
دينا فتحت الباب ودخلت وعمر اتعدل في وقفته ..
عمر اتفضلي يا دكتوره
بسمه تعالي يا دينا
بسمه توم دي دينا مرات احمد
عمر بجد . احمد اتجوز اخيرا . مبرووك
بسمه احمد اتجوز ومعاه جني عندها ٥شهور
عمر ماشاء الله .
دينا واقفه متنحه ليهم . بسمه انتي يا بنتي مالك متنحه ليه
دينا مش فاهمه مين ده
بسمه ده توماس صاحب احمد جوزك . فهمتي
دينا ومين عمر
عمر ضحك بصوت عالي انا غيرت اسمي واسمي حاليا عمر مختار . مسلم .
دينا كده بقي فهمت. ما تقول كده من بدري .
عمر عايز اشوف احمد واحشني اوي . وعمي كمال
دينا احمد في المطعم .
عمر هتخلصو امتي نروح كلنا نتغدا عنده .
دينا كمان ساعتين
عمر تمام اروح انا اصلي المغرب . متنسيش الصلاه
بسمه ضحكت ماشي
خرج عمر وهو مبتسم والفرحه باينه علي وشه
دينا هو ده بقي توم . ليك حق تتمسكي بيه
بسمه انا مش متمسكه بيه . انا اصلا نسيته
دينا عليا. يا بت ده انا عينك بتطلع قلوب . بس بصراحه يستاهل
بسمه لا طبعا. انا بعمل كده. انا مش بفكر فيه
دينا اه ما هو واضح . ده انا من قبل اما ادخل وانا سامعه صوتك ضحكك . وله اما دخلت الواد اصلا فاضل شويه و
بسمه يا خربيت لسانك . اكتمي مفيش حاجه من دي .
دينا طبعا طبعا. واضح ان مفيش حاجه
بسمه يلا يا ماما علي عيادتك .
دينا تشاوو. يا بسبوس
بسمه ثقيله
بعد ساعتين كانت بسمه ودينا خلصو ورديتهم . وعمر دخل لبسمه وخبط علي الباب
بسمه ادخل
عمر دخلت يلا علشان نتغدا . جعااان
بسمه خلاص انا خلصت .
عمر بسمه
بسمه نعم
دينا خبطت ودخلت . وعمر بص لبسمه وسكت.
دينا خلصت
بسمه يلا ننزل
خرجو من المستشفي ووليد شاف عمر قرب من العربيه عليه
عمر يلا اركبو
بسمه انت جبت سواق
عمر لسه مش حافظ الاماكن هنا في مصر
بسمه طيب قوله يمشي وانا معايا العربيه
عمر هتوصليني للفندق
بسمه ماشي
عمر عم وليد امشي انت وانا هروح معاهم و هبق اكلمك
وليد ماشي يا باشا. في امان الله
مشي وليد بالعربيه وعمر ركب مع بسمه ودينا راحو علي مطعم احمد . ودخلو
احمد كان في مكتبه
دينا تعالو ندخل المكتب .
خبطت ودخلت . احمد دينااا. في حاجه حصلت
دينا لا ياقلبي . جايبلك معايا مفاجاه
احمد مفاجاه
عمر دخل وبسمه دخلت وراه
احمد تنح شويه . عمر هتنح كتير . واحشتني
احمد حضنه جامد يا بن الايه . بقيت بتتكلم مصري كويس اهو
عمر اه . انت عامل ايه . مبروك علي المطعم . ربنا يوسع رزقك
احمد تعال . اقعد ياعم واحكيلي عملت ايه بعد اما اشتغلت مع الشرطه
بسمه شرطه ايه
احمد بصلها انتو جيتو مع بعض ازاي
دينا اصل استاذ عمر اشتري المستشفي
احمد عمر مين
عمر انا يا احمد غيرت اسمي لعمر مختار .
احمد اها . طيب كمل وقولي عملت ايه بعد اما سبتك في المستشفي
بسمه انا مش فاهمه حاجه .حد يفهمني
٥١٠ ٧
الفصل الرابع والعاشرون
استغفر الله العظيم واتوب إليه
بسمه بعصبيه انا مش فاهمه حاجه .. حد يفهمني
احمد وطي صوتك في ايه.
عمر احمد متزعقلهاش كده
دينا حاسه ان الجو اتوتر صلو علي النبي يا جماعه
الكل عليه الصلاه والسلام
دينا احنا ناكول وبعدين نتكلم . لاني جعانه جدا
احمد انا هطلب الاكل . تاكلو هنا وله تحت في المطعم
عمر قعد علي الكرسي اي حاجه .
احمد خلينا هنا احسن .
احمد اتصل بالشيف وطلب مشويات ليهم .
بسمه حاسه انها غبيه ومش فاهمه حاجه . بس اللي عارفه انه اخوها مخبي عنها حاجه
بسمه انتم ازاي بالبرود ده
احمد ما تلمي لسانك
بسمه الم لساني . انت في ايه كنت مخبيه عليا
عمر مفيش حاجه . اهدي
بسمه اهدا. بجد ههه ضحكتني
احمد سيبك منها
بسمه انتم هتجنوني
عمر ينفع الاول ناكول وبعدين نتكلم .
بسمه سكتت. وعمر عمي عامل ايه
احمد الحمد لله بخير
عمر واحشني
احمد ايه رائيك تيجي يوم الجمعه نتغدا مع بعض. وبالمره تشوفه واعرفك علي جني بنتي
عمر متشوق اشوفها اوي .
احمد طلع تليفونه ووراه صوراها
عمر اللهم بارك . ماشاء الله سكره . فيها من بسمه كتير
احمد ياعم قول كلام غير ده . دي شبهي انا
دينا لا بقي دي شبهي انا
احمد شبهي يا دينا
دينا لا شبهي انا يا احمد
عمر ضحك علي شكلهم وهما پيتخانقو وبيبص قدامه كانت بسمه بصله بنظره كلها ڠضب . وهو طانشها لانه حاول كذا مره يكلمها وهي كانت بتمنعه
الاكل وصل واتغدو مع بعض .. بسمه مكلتش . واحمد بيتكلم مع عمر اللي متعمد يتجاهلها .. دينا بتحاول تكلمها علشان تشغلها
بسمه اظن كده انتم كلتو
عمر نشرب قهوه بقي
بسمه صوتت في وشه .. وهو ضحك
احمد انتي اتجنينتي رسمي
بسمه لاخر مره هسالكم في ايه . انتم مخبين ايه
احمد اقعدي كده الاول
دينا اتكلم يا احمد بقي
احمد توماس كان البوليس منعه من السفر لانه كان عايز يطوع معاهم ويقفل قضيه . واللي عرفت بعد اسبوعين انه تعب وكان في المستشفي. روحت واطمنت عليه .
بسمه ومقولتش ليه ان كل ده حصل
احمد خۏفت عليكي . خصوصا انه القضيه اللي هو كان داخل فيها صعبه وكبيره وفي خطړ عليه.
عمر انا كمان رفضت انك تعرفي . وبسبب شغلي مع الشرطه هناك. كنت بسافر كتير . وعلي طول في خطړ .فكنت بخاف اتصل بيكم. علشان ميكونش في خطړ عليكم. القضيه كانت كبيره ومتشعبه وفيها اطراف كتير بجنسيات مختلفه. بعد اما قفلت القضيه معاهم .. كانو رافضين يسبوني لاني اثبت جدارتي . بس انا رفضت خدت تمن شغلي معاهم .وغيرت اسمي باسم جديده علشان اقفل ملف توماس . وسافرت لسعوديه عملت عمره ونزلت علي مصر
بسمه وقفت بعد اما سمعت كلامهم وهي بصلهم ومش مصدقه انه طول الوقت فاكره ان توماس اتخلي عنها . اخوها كان بيشوفها پتتعذب وله مره فكر يحكلها ويطمن قلبها
خدت شنطتها وخرجت .
عمر بسمه.
قام وقف ولسه هيخرج وراها. احمد مسك ايده
احمد هي محتاجه تقعد مع نفسها شويه
عمر مش هينفع اسبها كده . شد ايده وجري وراها
خرج وراح علي مكان العربيه بتاعتها كانت قاعده فيها وسنده راسها بايدها . عمر فتح الباب وقعد جنبها من غير اما يكلمها
بسمه انا محتاجه اقعد مع نفسي
عمر هقعد معاكي وانا ساكت . عايز اطمن عليكي
بسمه انا كويسه
عمر لا انتي مش كويسه .
بسمه اتفتحت في العياط وعمر قلبه بيتقطع علي عياطها
عمر بټعيطي ليه . انا والله ڠصب عني .
ممكن تبطلي عياط . انا ماسك نفسي بالعافيه علشان محضنكيش . حرام
بسمه رفعت راسها وابتسمت وهي پتبكي انت بتقول ايه
عمر مش عارف الصراحه. بس مش مستحمل اشوفك پتبكي
بسمه مسحت دموعها اهو . اخرج بقي
عمر لا
بسمه تووم
عمر اسمي عمر .
بسمه بس انا متعوده اقولك توم لسه مش متعوده علي عمر
عمر هتتعودي.
بسمه شغلت العربيه ومشيت راحت علي الكافيه اللي بتحب تقعد فيه. دخلت ومعاها عمر . وقعدت علي الترابيزه
عمر بيتفرج علي المكان وساكت .. بسمه بحب اجي هنا. اقعد مع نفسي
عمر يعني ده مكانك المفضل
بسمه ايووه.
عمر المكان حلو فعلا
قرب الجرسون دكتوره بسمه اجيب لحضرتك الكابتشينو بتاعك . والاستاذ يطلب ايه
عمر زيها
الجرسون ماشي يا فندم
مشي الحرسون .. عمر معروفه انتي هنا
بسمه بحزن ايوه بقعد هنا كتير
عمر ليه كل الحزن اللي في عيونك ده
بسمه تعبت من كل حاجه . اخويا مفتكرش مره واحده يريح قلبي ويطمني كنت فاكره انك اتخليت عني .
عمر كان خاېف عليكي.
بسمه الدموع متجمعه في عيونها
عمر كفايه حزن ونبدا بقي نفرح .
عمر تتجوزيني
بسمه ايه
عمر ايه اللي ايه . انا كنت طالب ايدك من باباكي وهو وافق وطلب مني احفظ القرآن . وحفظته. طلب شغل حلال واشتغلت . مفيش مانع بعد كده . احنا نكتب الكتاب واشتري شقه نسكن فيها و اعملك فرح .
بسمه سكته
عمر كفايه فراق تعبت وعايز اعيش معاكي في سلام
بسمه موافقه
عمر مره تاني
بسمه موافقه
عمر اخيرا . تعبتي قلبي ياشيخه
بسمه بابتسامه ما انت كمان تعبت قلبي
عمر نتجوز الاول ونشوف الموضوع ده
بسمه ضحكت.
الفصل الخامس والعاشرون
سبحان الله .. الحمد لله .. لا إله إلا الله .. الله اكبر
بسمه وعمر قاعدين في الكافيه . وبيتكلمو . احمد لتصل يطمن عليها
بسمه بصت في التليفون ومردتش
عمر مين بيتصل
بسمه احمد
عمر طيب ردي عليه
بسمه لا
عمر انتي زعلانه منه
بسمه من حقي ازعل
عمر مش اتفقنا كفايه زعل وحزن . انتي قلبك ابيض. كلميه اكيد بيطمن عليكي
بسمه اتنهدت واتصلت باحمد اللي اول اما شاف رقمها رد بسرعه
احمد بسمه انتي فين
بسمه قاعده في كافيه .
احمد انتي كويسه
بسمه الحمد لله
احمد سكت شويه وبعدين اتكلم انا اسف . بس كنت خاېف عليكي . انتي اختي الصغيره وكنت فاكر اما اخبي عنك اني كده
