رواية وعد الفصول من 8-15

بسم الله الرحمن الرحيم
البارت الثامن
اترددت قبل ما تكلم سميرة هي عارفة كويس رأيها مفيش خطوبة ولا ارتباط قبل الجامعة ما تخلص لكن هتحاول معاها لحد ما تقتنع
دخلت عندها لقتها بتتفرج على التليفزيون قعد قدامها وسميرة ابتسمت وقالتها عاملة ايه ياقلبي تحبي ننزل البحر شوية.
كاريمان بتوتر لأ يا ماما أنا عاوزة اكلمك في موضوع مهم.
اتعدلت سميرة وبصتلها بانتباه طمنتها انها تتكلم وفعلا بدأت كاريمان تحكيلها كل حاجة بينها وبين أكرم.
سميرة كانت بتسمعها وكأنها شايفة صورة مصغرة من الماضي نفس طريقة كلام اختها عن ثابت نفس عشقها الواضح من لمعة عينيها ضعفها وهي بتنطق اسمه الماضي بيتعاد قدام عينيها لكن المرة دي هي مستحيل تسمح إن الحكاية تتكرر.
وقفت قدام كاريمان قالتلها بحدة وشراسة 
مفيش خطوبة ولا كلام فاضي قبل ما تخلصي الكلية واشوف الشهادة بعيني أنا زمان سكت لما أمك صممت تتجوز ثابت كانت عيلة وهو استغل حبها له مكملتش تعليمها واكتفت بنجاحه هو كانت بتعامله كأنها أم مش زوجة بتفضله على نفسها في كل حاجة حتى في الأكل كانت بتعمله اللي بيحبه مش مهم هي بتحب ايه.
حتى لما خلفتك والدكاترة قالوا قلبها ضعيف وميتحملش خلفة تاني حملت كانت عاوزة تسعده وتجبله الولد وراحت هي والولد في لحظة.
تفتكري أبوكي عمل ايه ولا حاجة.
ابتسمت بۏجع معملش حاجة غير انه اتجوز ودور على بديل.
انت فاكرة إنك لما تجيلي وتقوليلي بحب وهتخطب هزغرط لأ انا آسفة مفيش الكلام ده غير لما تخلصي تعليمك وقتها هكون عملت لك اللي عليا ووقتها بس تقدري تختاري وتقرري.
كاريمان يا ماما افهميني أكرم غير بابا.
ضحكت سميرة بكل قوتها وبصتلها بسخرية من سذاجتها وقالت
كلهم زي بعض يمكن انت شايفة إني مش من حقي اتحكم في حياتك شيفاني معقدة وظالمة لكن مع الوقت هتعرفي ان مفيش حد بيحبك أدي.
قدام المحققين متكلمش طول الوقت ساكت وشارد كأنه مغيب عن العالم عقله رجعه لسنين فاتت اتأكد ان عقابه مستحق للأسف كان ظالم وجه الوقت إنه يتظلم ويدفع التمن.
عمره ما قدر قيمة مراته الأولى كان بيحبها جدا لكنها كانت بتحبه أكتر بتتفنن ازاي تسعده عمرها ما كشرت في وشه رغم انه كان دايما مقصر معاها أحيانا بنفوق متأخر بعد ما كل حاجة بتنتهي.
هدى دخلت في غيبوبة محدش يعرف هتقوم ولا لأ المحامين بيحاولوا بكل الطرق يخرجوا ثابت من صمته لكن مفيش فايدة.
مارية طفلة بتجبرها الظروف تكبر مش عارفة تفضل مع امها اللي بين الحياه والمۏت ولا تروح تسأل أبوها ليه عمل كده
واحدة من أصدقاء أمها واحدة بس من بين مئات كانوا ليل نهار مع أمها وقت الأزمة اختفوا ومفضلش غير واحدة بتهتم ببها وتسأل عنها.
ستيفن هرب بس المرة دي محدش عرف راح فين خاف إنه يتورط في حاجة فقرر يبعد.
وردة مقدرتش تنطق إبنها عاوز يعمل اللي دماغه ومن غير ما يرجع لحد غضبه عماه عن حاجات كتير وأولهم ابنه.
سألته بحدة
انت اټجننت أكيد طلاق إيه ده اللي بتتكلم عنه مش دي وعد حبيبتك ده انت حفيت عشانها.
أمجد كنت خلاص حكاية وخلصت.
ضړبته في كتفه بغيظ وسألته
وابنك يا فالح هتخلف وترمي انت فاكر إنك لما تطلق وعد هتقعد تبكي عليك دي دماغها جزمة زيك بالظبط هتلاقيها أول ما شهور العدة تخلص متجوزة أول واحد يخبط على بابها.
أمجد تتجوز!
وردة آه ياخويا متتجوزش ليه مكملتش حتى عشرين سنة وزي القمر.
أمجد وقتها هاخد ابني منها واحرمها منه.
وردة مش هتحرمها منه يا أمجد انت هتحرمه هو من أمه هي هتتجوز وتخلف وانت كمان مصيرك تتجوز والواد المسكين محدش هيعبره .
استهدى بالله يابني الجواز مش لعبة ولا حاجة سهلة ابعد عنها شوية خليها تفكر بالراحة وانت كمان ترتاح وتشوف الصح وتعمله متتسرعش وتضيع نفسك وابنك.
مفرقش معاه الحكم جوة أو برة هيكون سجن هيقضي ٢٠ سنة في السچن ابتسم بسخرية وكأن العمر لسه فيه عشرين سنة تاني.
يا ترى بناته هيحصلهم إيه كاريمان ومارية هيفتكروه هيسألوا ولا خلاص انتهى كل شيء معملش حساب يوم زي ده ليه ليه مقربش من بناته واحتواهم.
هيعمل ايه وهيقضي حياته جوة السچن إزاي اتمنى بينه وبين نفسه إنه ېموت ياريته ېموت ويرتاح.
المحامي قعد قدامه واترجاه بصدق
اتكلم يا ثابت بيه لازم تفهمني حصل ايه إحنا ممكن نقدم التماس ونقلل الحكم.
ثابت مفيش داعي يا جاسم أنا معترف وبس.
المحامي حضرتك مستسلم بشكل غريب متنساش إن عندك بنت ومحتاجة وجودك مش معقول هتعيش من غيرك انت ووالدتها.
ثابت بنتي ولو انا خرجت تفتكر بنتي هتسامحني تفتكر هقدر ابص في وشها تفتكر هي أصلا بنتي ولا بنت حد تاني
المحامي بدأ يربط الخيوط خاصة الجملة الأخيرة الحاډثة كانت بسبب الخېانة بس للأسف في ألمانيا مش سبب مقنع إن الزوج أو الزوجة يقتلوا بسبب الخېانة العلاقات عندهم غير.
فكر شوية وقال
إحنا هنلتمس ونطلب براءة هنقدم ورق وشهود يأكدوا إن الړصاصة خرجت من المسډس بالغلط وأكيد المسډس مرخص وده هيفيدنا.
ثابت بيأس لو سمحت سبني لوحدي يا جاسم متتعبش نفسك.
المحامي مشي وسابه مؤقتا لحد ما يفوق من صډمته لكن مستحيل يسيبه يضيع نفسه بين جدران السچن و المجرمين.
ثابت رجع الزنزانة اتكوم على نفسه والمشهد بيتكرر قدام عينيه كان مراقب تحركاتها لأنه شاكك فيها لكن شكه طلع حقيقة خۏفها وارتباكها لما شافت ستيفن خلاه يتأكد إن في حاجة ولما دخلت المكتب مع ستيفن خد مسدسه ودخل عليهم كان بيكدب نفسه لآخر لحظة لكن الواقع اكدله بعينيه إنها خاېنة وإنه مغفل كبير.
قطعوا الإجازة ورجعوا لا سميرة بتتكلم ولا كاريمان عارفة تقنعها حاولت تشوف حد يكلمها لكن للأسف مفيش حد مقرب منهم ممكن يغير تفكيرها اتمنت كاريمان لو إن أبوها جنبها قريب منها يساعدها لكن للأسف متقدرش حتى تتصل وتقول انا محتاجة وجودك جنبي.
أكرم اتصل عليها ردت عليها علطول سألها بلهفة
كلمتي والدتك يا كاريمان.
قالتله كلمتها لكن مش موافقة.
أكرم ممكن أعرف سبب الرفض.
كاريمان بتقول إنها رافضة فكرة اي ارتباط قبل الجامعة ما تخلص.
أكرم بتفاؤل يعني مش رفضاني انا كشخص.
كاريمان لأ أنا مكلمتهاش عن ظروفك او اي حاجة تخصك قولتلها بس إنك بتدرس معايا وعاوز تتقدملي.
أكرم وبحبك.
كاريمان أكرم بعدين معاك.
أكرم عاوزك بس تتأكدي إن ده المهم أنا بحبك يعني هستني وهحاول مرة ومليون انت ليا أنا وبس.
تنهدت بتعب وهو سكت مش مهم أي حاجة السنين قدامهم كتير عمره ما هييأس إنها تكون من نصيبه هيحاول من تاني لحد ما يقنع والدتها.
سأل كاريمان عن مكان شغل سميرة قدر يوصل للمكان سأل عنها وراحلها
وقف قدامها وكلمها بثقة وهو بيقول
السلام عليكم يا مدام سميرة أنا أكرم عبدالملك زميل كاريمان.
رفعت وشها وبصتله بتقييم للأسف البنت قلبها بيميل لنسخة من أبوها من غير ما تحس أكرم بيشبه ثابت وهو شاب بشكل خلاها تضايق اكتر كلمته بهجوم ظهر في لهجتها.
نعم تحت أمرك يا أستاذ أكرم
أكرم بهدوء ممكن اقعد الأول هتكلم وأنا واقف كده.
سميرة اتفضل اقعد بس ياريت تتكلم بسرعة زي ما انت شايف ده مكان شغل.
أكرم وأنا طلبت من حضرتك اجيلكم البيت ورفضتي و٧لشان كده اضطريت اجيلك الشغل.
سميرة رفضت لأن الموضوع مرفوض يعني من الآخر متتعبش نفسك.
أكرم بس حضرتك بتظلميني ليه واخدة مني موقف من غير حتى ما تعرفيني أنا بحب كاريمان ولو على الجامعة هستناها لحد ما تتخرج.
بسم الله الرحمن الرحيم
البارت التاسع
كلام والدته كان يتردد في عقله يعني وعد ممكن تتجوز تاني تبقى ملك واحد غيره ياخدها في خضنه يلمسها اټجنن غيرته قتلتله ساب المحل وطلع على بيت حماه فضل يخبط پعنف لحد ما وعد طلعت فتحت الباب كان والدها بيصلها وأمها في السوق استغربت من الخبط الغريب على بابهم فاضطرت تفتح هي.
قبل ما تفهم في أيه كان ساحبها وراه لاوضتها بصتله باستغراب وصړخت في وشه پغضب.
انت بتعمل ايه وجاي هنا ليه ومالك داخل علينا زي الحكومة كده ليه.
أمجد عاوزة ايه وترجعي بيتك يا وعد عاوزة مني ايه
دورت وشها وقالت بصوت حزين
مش عاوزة منك حاجة وبالنسبة لبيتك فأنا عمري ما حسيت أنه بيتي يا أمجد.
قرب منها حضنها من ضهرها أد إيه وحشاه إزاي ممكن يكمل من غيرها لو مكنتش عنيدة بالشكل ده مكنش ده بقى حالهم.
باسها برغبة وعشق خلاها تقرب منه اكتر لفها وبص في عيونها بعتاب سألها بلوم 
ازاي قدرتي تبعدي عني يا وعد مين غير قلبك عليا معقول مش قادرة تتحملي عصبيتي تعرفي إني حاسس بالعجز إحنا قربنا نفس تعرفي إني بنحت بأيدي وسناني علشان أحافظ على شقى أبويا وملكنا عمري ما اشتكيت لأني خاېف أحملك الهم تقومي تزودي همي.
وانت مين قالك تخبي عني مين فهمك إن تعبك مش واصل لقلبي بتكون جوة حضڼي بتضحك وعارفة إنك بتكدب وموجوع لكن ڠصب عني أنا إنسانة اتجوزتك لأني بعشقك عاوزاك معايا وفكرت إن جوازنا هيقربنا.
لكن إيه اللي حصل بعدت عني اهملتني وقت حملي وولادتي كنت بتمنى الاقيك جنبي مكنتش موجود واستنيت تتغير أو توضح سبب غيابك لكن محصلش ومع أول موقف اتخليت عني بسهولة.
أمجد والحل يا وعد تفتكري لو بعدنا هنرتاح.
وعد مش عارفة أنا تعبانة يا أمجد.
ابتسم وقالها خلاص يلا بينا نرجع بيتنا هاتي يوسف وتعالي نمشي يا وعد.
وعد من غير ما بابا يوافق.
أمجد انت مراتي أبوكي ملوش يمنعك عني فاهمة.
وعد إنت فيك إيه يا أمجد إنت طبيعي.
أمجد اتوتر من سؤالها وهي استغربت رد فعله لكن دخول أبوها فجأة خلاه يتنفس بارتياح لأنه هيهرب من المواجهة مع وعد.
لما عرفت خبر القبض على والدها مصدقتش قرأت الإسم أكتر من مرة ولما اتأكدت إنه ثابت علم الدين أبوها فعلا مقدرتش تفكر إزاي وليه طيب هتتكلم مع مين سميرة رافضة حتى تسمع إسمه فكرت تتصل على رقم ثابت في ألمانيا لكن لقت الرقم خارج الخدمة.
اتصلت على أكرم رد عليها بلهفة
أكرم حبيبتي صاحية لحد دلوقت ليه
كاريماح٩٠ن بصوت مخڼوق بالحزن عاوزة أشوفك الصبح يا أكرم حاول تقابلني في الجامعة ضروري.
أكرم طيب طمنيني الأول حد مزعلك تعبانة في إيه.
كاريمان الموضوع بخصوص بابا قرأت عنه أخبار غريبة اڼهارت من البكا وقالت بصوت متقطع
بيقولوا قتل مراته ومحبوس بابا مستحيل يعمل كده.
أكرم اڼصدم في الأول مش فاهم كلامها وعقله بيحاول يستوعب بس حاول يرد عليها ويهديها كلمها بحب وهدوء 
اهدي بس قولي لا إله إلا الله.
قالت كاريمان بصوت مبحوح 
لا اله الا الله.
أكرم إن شاء الله مفيش حاجة بس علشان خاطري متعيطيش تمام وانا بكرة الصبح هتلاقيني قدام بوابة